Palibhasa Lalake ibabalik ng Jeepney TV

Isa sa pinakapaboritong sitcom ng Pilipinas ay muling magbabalik para maghatid ng good vibes ngayong Okt. 20 na sa Jeepney TV, ang ultimate throwback channel.

Mapapanood muli ang kinaaliwan, kinaadikan at kinahumalingan n’yo noong Palibhasa Lalake mula Lunes hanggang Biyernes. Huwag palalampasin ang tawanan kasama ang cast ng show na binubuo nina Richard Gomez, Joey Marquez, John Estrada, Gloria Romero, Amy Perez, Carmina Villaroel, Mark Anthony Fernandez, Eric Fructoso, Jomari Yllana, Jao Mapa, Claudine Barretto, Rica Peralejo, G. Toengi, Regine Tolentino, Lindsay Custodio at marami pang iba.

All out ang Jeepney TV sa pagbalik ng Palibhasa Lalake craze ngayong buwan kaya maliban sa airing ng programa sa weekdays ng 8 p.m. na may replay ng 11 p.m. at 5:45 a.m. ang limang episode ng bawat linggo ay magkakaroon ng “marathon run” tuwing Sabado ng 4 p.m. simula Okt. 25.

Ang award-winning na programa ng Jeepney TV na Biyaheng Retro ay naghanda ng special feature tungkol sa mga cast ng sitcom pati na rin ang mga di malilimutang eksena na mapapanood sa isang special documentary sa Okt. 19, 9 p.m..

Ang mga bida ng Palibhasa Lalake rin ang icons of the month ng channel kaya naman ipapalabas din ang kanilang best dramatic appearances sa Jeepney TV Star Showcase sa lahat ng Linggo ng Oktubre, 8 p.m..

At para naman sa hardcore fans ng show, pumunta sa “Palibhasa Lalake Basaan Reunion” sa Okt. 18 sa Eastwood Central Plaza. Magsisimula ito ng 6 p.m. kung saan ang Jeepney TV ay magbibigay ng mga libreng beer sa mga dadalo ng maaga.

Sina Amy Perez at DJ ChinaPaps ng MOR 101.9  ang mga magho-host ng “Epic Basaan Reunion”.  At siyempre, hindi mawawala ang mga cast na sina Richard Gomez, John Estrada, Anjo Yllana, Jomari Yllana at Eric Fructuoso na mangunguna sa event.

Dadalo rin para makigulo at magdagdag ng saya ang Banana Split mainstay na si Jeff Gaitan. Abangan din ang mash up live rendition ng rock music icon at Hagibis producer-songwriter na si Mike Hanopol na kumanta ng Palibhasa Lalake theme song na “Katawan.”

Maghanda nang mabasa sa pinakamali at di malilimutang basaan reunion ng taon! Huwag palalampasin ang Palibhasa Lalake craze ngayong buwan sa ultimate throwback channel, ang Jeepney TV (SkyCable Channel).