Loyal fans ni Daniel ‘Bulag, Pipi at Bingi’

MERON palang issue ngayon kay Daniel Padilla at iyon ay ang pagiging sintunado nito. Hindi naman pumiyok ang hottest heartthrob ng Dos sa kanyang pagkanta ng “Binibini” pero marami ang nakapansin na televiewers na tila sintunado ang pagkakaawit ng binata.

Kalat na kalat na sa social media ang kapalpakan ni Daniel. Hiyang-hiya ang mga nakapanood sa pagkanta na iyon ni Daniel. Merong isang nag-comment na idinaan na lang daw ng binata sa pagpapa-cute ang kanyang pag-awit.

Ang isa namang ale, sinabing ang mga batang artista ngayon ay hindi naman talaga magaling kumanta, nakukuha lang daw sa arte at pagpapaguwapo.

This is not the first time na nabatikos si Daniel sa kanyang pagkanta. In his first album, katakot-takot na panlalait ang kanyang inabot dahil chaka ang version niya ng ilang cuts.

Hindi nga ba’t meron pang issue na pinagtawanan nina Elmo Magalona at Julie Anne San Jose ang pagkanta niya?
But you can’t argue with  success.

Kahit na hindi naman kagalingang kumanta si Daniel ay ang dami naman niyang fans na walang pakialam sa timbre ng boses niya, walang pakialam kung sintunado siya o kung hindi naman niya talaga carry ang umawit.

Being the hottest teen star today, bulag, pipi at bingi ang mga fans ni Daniel sa kanyang mga shortcomings as a performer. Basta ang mahalaga sa kanila ay ang mapanood ang kanilang idol na nagpe-perform para sa kanila.

( Photo credit to entertainment.inquirer.net )