Iza: Wala akong inagaw o sinulot kay Mega!

IZA CALZADO AT SHARON CUNETA

Unaffected si Iza Calsado sa posibilidad na intrigahin siya kay Megastar Sharon Cuneta sa pagkuha sa kanya bilang bagong host ng biggest reality show on TV na The Biggest Loser Pinoy Edition Doubles.

Hindi naman kasi sinulot ni Iza kay Mega ang hosting job ng nasabing show. As we all know, si Mega ang umalis sa ABS-CBN kaya nawalan ng host ang programa. Sakto naman lumipat sa Kapamilya network si Iza from GMA.

“Nagkataon, nagkatagpo lang na kinuha akong host for the show. Then, nabalitaan ko they needed a host and I wanted to host for the show and there’s no consideration kung mapre-pressure ako, ‘yun. Hindi ko naisip na si Sharon ang dating host ng show. Ang sa akin lang, ang pinanggagalingan ko the minute I heard The Biggest Loser in the Philippines, I said, I have to be part of that show. I want to be on that show because that is my story,” pahayag ni Iza sa presscon ng The Biggest Loser.

This is the first time na magho-host si Iza ng major TV show. Marami raw siyang natututunan. At the same time, sumailalim daw siya sa isang matinding workshop.

Bukod sa kanyang hosting skills, ibabahagi rin ni Iza ang matinding pinagdaanan niya sa buhay. Dumaan sa matinding pagsubok sa buhay noon si Iza dahil sa kanyang katabaan.

At ‘yan ay mapapanood bukas sa Maalaala Mo Kaya. Isi-share niya sa televiewers ang inspirasyon at katatagan na ginawa niya sa gitna ng mabigat na pagsubok sa buhay niya.

Gaganap bilang mga batang Iza Calzado sa MMK episode na ito si Empress at child star na si Belle Mariano, kasama sina Dimples Romana, Christian Vasquez, Ina Feleo at Joross Gamboa sa direksiyon ni Raz dela Torre.