MIAMI — Patuloy na nagpapakita ng gilas si Oklahoma City Thunder forward Kevin Durant kahit pa ang nakatapat nila kahapon ay sina reigning MVP LeBron James at ang nagdedepensang kampeong Miami Heat.
Umiskor ng 33 puntos si Durant para pangunahan ang Thunder sa 112-95 panalo at itulak sa 12 ang streak niya na may at least 30 points sa isang laro.
Nagdagdag ng 22 puntos si Serge Ibaka para sa Thunder na nalamangan ng 18 puntos (4-22) ng Miami sa umpisa ng laban.
Nag-ambag naman ng 18 puntos si Jeremy Lamb at 15 puntos si Derek Fisher na tumira ng 5-of-5 mula sa 3-point area.
Si James ay tumapos na may 34 puntos para sa Heat.
Rockets 117, Mavericks 115
Sa Dallas, gumawa ng 26 puntos si Chandler Parsons para pagbidahan ang panalo ng Houston sa kanilang Texas rival.
Hindi nakapaglaro ang injured na si James Harden (bruised left thumb) pero anim na iba pang Rockets ang umiskor ng double figures.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.