Ruffa Gutierrez bilib sa pagiging strong ni Elvis: Always here for you

ISANG madamdaming mensahe ang inalay ng aktres at dating beauty queen na si Ruffa Gutierrez para sa kanyang kapatid na si Elvis Gutierrez.

Sa kanyang Instagram pagr ay binati nito ang kapatid na nagse-celebrate ng kanyang unang kaarawan buhat nang pumanaw ang asawa nitong si Alexa Gutierrez.

Lahad ni Ruffa, hanga siya sa katatagan ng kapatid na kinakaya ang lahat sa kabila ng pagkawala ng asawa nang dahil sa cancer.

Kalakip ng kanyang mensahe ay mga throwback photos nilang magkakapatid pati na rin ang family photos kung saan present si Alexa.

Baka Bet Mo: Ruffa Gutierrez sinusuyo, nais ulit pakasalan ni Yilmaz Bektas?

Bandera IG

“Happy Birthday, Viz!!! Your first birthday without Alexa beside you feels different, and I know it must be incredibly tough,” saad ni Ruffa.

“But I also know she’s smiling down on you today, proud of your strength and the love you continue to carry for her,” pagpapatuloy niya.

Ani Ruffa, proud na proud siya sa pagiging totoo at mabait ng kapatid.

“You’ve always been the kindest, most genuine soul—and as your Ate, I just want you to know how proud I am of you.

“May this year bring healing, comfort, and more amazing memories with the girls… We love you so much. Always here for you guys,” sey pa ni Ruffa.

Matatandaang noong 2024 nang pumanaw si Alexa matapos ang matagal na pakikipaglaban sa sakit nitong cancer.

Sa kabila ng matinding dagok sa kanyang buhay ay patunay ang post ni Ruffa ng matibay na pagmamahal at pagsasama ng pamilya Gutierrez para sa isa’t-isa.