Walang nanalo sa P49.5-M Ultra Lotto 6/58 jackpot para sa April 8 draw
WALANG nanalo sa minimum jackpot prize para sa Ultra Lotto 6/58 na nagkakahalaga ng P49.5 million, ayon sa Philippine Charity Sweepstakes Office (PCSO).
Sa nangyaring pagbola ng PCSO kagabi, April 8, hindi tinamaan ang jackpot prize para sa winning combination na 37-02-48-32-34-12.
Matatandaang may isang nanalong mananaya sa Ultra Lotto 6/58 jackpot na umabot sa P223.7 million sa naganap na pagbola last Sunday (April 6).
Dahil dito, ibinalik na sa minimun jackpot prize na P49.5 million ang mapapanalunan sa Ultra Lotto 6/58.
Noon namang January 5, 2025 ay napanalunan din ng nag-iisang mananaya ang P314.5-million jackpot sa 6/58 Lotto draw, base sa record ng PCSO.
Samantala, wala ring bettor ang nakakuha sa Super Lotto 6/49 winning combination of 36-39-43-44-49-34 na may jackpot prize na P70.4 million na binola rin kagabi.
Binobola ang Ultra Lotto 6/58 at Super Lotto 6/49 tuwing Tuesday, Friday at Sunday.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.