2 taga-Metro Manila naka-jackpot ng P281-M sa lotto
NANINIRAHAN sa Metro Manila ang dalawang tao na maghahati sa mahigit P281 million jackpot prize ng Grand Lotto 6/55.
Ang impormasyon na ito ay inilabas ng Philippine Charity Sweepstakes Office (PCSO).
Ayon sa ahensya ng gobyerno, ang total na paghahatian ng dalawa ay nagkakahalagang
₱281,263,080.00 na binola noong Sabado, September 7.
Baka Bet Mo: SB19 aminadong tumataya ng lotto: Bonding po namin!
View this post on Instagram
Ang winning numbers na maswerteng nahulaan ng dalawa ay 31-03-17-47-24-20.
Ayon pa sa PCSO, nabili ang winning ticket sa lotto outlets sa Lucky Circle Corp. sa SM BF Parañaque City at ang isa naman ay sa Metro Retail Stores Group Inc., sa Muntinlupa City.
Mayroon lamang isang taon ang mga nanalo sa Grand Lotto 6/55 para kunin ang kanilang napanalunan sa PCSO main office sa Mandaluyong.
Basta’t i-present lamang ng mga lucky winners ang kanilang winning ticket at ang dalawa valid IDs.
Sa ngayon ay wala pang balita kung na-claim na ng dalawa ang kanilang premyo.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.