TJ Monterde iaalay ang ‘Aurora’ sa magiging baby girl nila ni KZ
TJ Monterde at KZ Tandingan
MAY ginawang kanta ang singer-songwriter na si TJ Monterde patungkol sa napakaganda at nakamamanghang Aurora Borealis na hindi pa niya iniri-release.
May titulong “Aurora”, itinuturing ito ni TJ ng isa sa “most personal composition” niya dahil may malalim at exciting itong kuwento na konektado sa hiling nila ng asawang si KZ Tandingan na magka-baby girl.
Sa interview kay TJ ng news anchor at TV host na si Bernadette Sembrano na napapanood sa YouTube channel nito, naibahagi niya ang story behind his unreleased song.
“Nu’ng pumunta kami ng Canada, nag-tour kami, ako muna wala si KZ, tapos may chance na makakita ng Aurora Borealis.
“Pumunta ‘yung lahat ng team pero nung gabing ‘yun, sabi ko hindi ako pupunta. Parang na-realize ko, hindi ako pupunta kasi sabi ko if I was going to see this wonder for the first time, gusto ko kasama ko si KZ,” pag-alala ni TJ.
At nang bumalik sila sa Canada together, “So fast forward to last year natuloy siya, magkasama kami sa Canada, sa tour ko, nakita namin ‘yung Aurora Borealis.”
View this post on Instagram
Dito na nagbago ang tema ng nasabing kanta dahil mas naging personal na ang approach ni TJ sa mga lyrics nito, “Parang alam mo ‘yung the magic of songwriting. Habang tumatagal, nagpo-progress ‘yung song.
“Na-realize ko, I was talking about the northern lights but eventually nag-iba ‘yung (direction ng) kanta tapos ‘yung lyrics pa rin niya, ‘Aurora I will wait for you. I know I will see you soon as you dance to my tune.’
“Tapos sabi ko, ‘Aurora, let your colors bloom. I will give you my moon.’ Kasi ‘yung Aurora ‘pag merong moon hindi siya nakikita,” lahad pa ng singer-songwriter.
Pagpapatuloy pa niya, “Nu’ng nagtagal, eventually hindi siya about sa Aurora Borealis kaya sobrang naging personal nun kasi it evolved into a song na prayer of waiting na someday magkaroon kami ng baby girl and ‘pag nangyari ‘yun, Aurora ‘yung name kaya sobrang personal nu’ng song.”
Dagdag pa niya, “Kaya hindi ko pa siya nirerecord ‘yung song na ‘yun. Parang inaabangan muna namin. Parang ini-ingatan ko muna ‘yung song. But eventually I am going to release it.”
Kasunod nito, nabanggit nga ng husband ni KZ na talagang pangarap niyang maging girl dad, “If ever meron akong baby, gusto ko babae, kaya dun pumunta ‘yung kanta.”
Matatandaang inihayag nina TJ at KZ na plano nilang magkaroon ng baby after two years.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.