Eugene Domingo napiling judge sa ‘PGT 7’ dahil kay Kathryn Bernardo
Kathryn Bernardo at Eugene Domingo
MISMONG si Kathryn Bernardo pala ang nag-suggest sa mga bossing ng ABS-CBN na kunin si Eugene Domingo bilang judge sa pagbabalik ng “Pilipinas Got Talent”.
Makakasama nina Kathryn at Uge sina Donny Pangilinan at Freddie “FMG” Garcia bilang mga hurado sa Season 7 ng “PGT” na magsisimula na sa darating na March 29 at 30.
“Gusto ko lang i-share sa inyo na I’m not here kung hindi nag-suggest si Kathryn na isama ako. So, I think that’s worth noting. Please note that,” ang bonggang revelation ni Uge sa naganap na grand mediacon ng “PGT Season 7.”
Ayon pa sa award-winning actress and comedienne, agad-agad daw siyang nag-yes nang makarating sa kanya ang offer ng Kapamilya Network.
“Because for a while, I’ve been thinking ano kayang show ang gagawin ko next? Ano next project ko? My god! This show landed on my lap and I just said I think this is the best show. I mean, this is the most entertaining show,” pahayag pa ni Eugene.
Sabi naman ni Kathryn bilang first-timer judge sa “PGT”, “Iba rin yung kampante ko kapag nadiyan si Ms. Eugene kasi syempre first time ko dito so everytime nandiyan, iba rin yung kaba. Doon ko rin narealize na sobrang hirap mag judge.
“Yung simple lang na pagtingin ko sa kaliwa ko si Ms. Eugene, iba yung kapag may fellow babae na nakikita. Iba siguro yung energy din na nabibigay natin mga babae. Thank you also for guiding me,” dugtong ni Kath.
View this post on Instagram
Sa tanong King ano ang hahanapin nilang qualities sa mga contestant para tanghaling “PGT Season 7” grand winner, sagot ni Uge, “I can not really pinpoint what I’m looking for. Most of the time it’s gut feel and most of the time I go to the basic which is masarap ka bang panoorin.”
Sagot ni Kath, “Unang-una ‘yung uniqueness. Ano ‘yung talent na kahit panoorin ko siya ngayon and five years from now, ito ‘yung klaseng performance na hindi ko makakalimutan at performance na kaya ko siyang panoorin five years from now tapos maa-amaze pa rin ako, that’s hard.
“Of course talent, we are looking for all talents kung anuman ‘yan. And lastly I’m looking for ‘yung passion. So for me a unique talent, that’s a champion,” saad pa ng tinaguriang Empowered Queen.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.