TOL pinuri ang mga taga-Leyte sa pagbangon mula Yolanda

TOL pinuri ang katatagan ng mga taga-Leyte at Samar sa pagbangon mula kay Yolanda

Jan Escosio - March 17, 2025 - 04:25 PM

TOL pinuri ang katatagan ng mga taga-Leyte at Samar sa pagbangon mula kay Yolanda

KINILALA ni Reelectionist Senator Francis ‘TOL’ Tolentino ang katatagan na ipinamalas ng mga taga-Silangang Kabisayaan sa kanilang pagbangon mula sa pananalasa ng super typhoon Yolanda 12 taon na ang nakalilipas.

“Ang inyong tapang at pananampalataya ay inspirasyon sa lahat ng Pilipino,” sey ni Tolentino sa libo-libong dumalo sa campaign rally ng Alyansa sa Plaza Libertad.

Magugunita na si Tolentino na noo’y chairman ng Metro Manila Development Authority (MMDA) ang nanguna sa rescue and relief mission na ipinadala ng pambansang pamahalaan sa Leyte at Samar matapos itong salantain ni Yolanda noong November 2013.

Sa kanyang talumpati, kinilala ni Tolentino sa mga manonood si Dionisio “Joning” Delingon, 57 taong gulang, isang mangingisda at Yolanda survivor mula Anibong, Tacloban City.

Baka Bet Mo: #SerbisyoBandera: ‘Butter Mama’ at ang kwento ng paghilom, pagbangon sa trahedya

“Nasawi ang asawa at bunsong anak ni Manong Joning dahil kay Yolanda. Dalawa n’yang anak ang na-rescue,” pagbabahagi ng senador.

Patuloy niya, “Matagal akong tumira dito, dalawang buwan, sa isang tent sa RTR Plaza. Sa panahong iyon, marami akong nakilalang tulad ni Manong Joning.”

“Tuwing ako’y bibisita sa Tacloban; sa Guian, Sulat, at General MacArthur (Eastern Samar); at sa Palo at Tolosa (Leyte), naaalala ko ang inyong katatagan bilang isang komunidad,” wika pa niya.

TOL pinuri ang katatagan ng mga taga-Leyte at Samar sa pagbangon mula kay Yolanda

Bukod kay Delingon, ipinakilala rin ni Tolentino mula sa audience sina John Wendel Manaba, 21, naghahanap-buhay bilang motorcycle rider, at ang college student na si Roxanne Salentes Maquilan, 20 – kapwa residente ng Tacloban.

Ibinahagi ng senador ang kanyang mga nagawa para sa kanilang mga sektor.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Para sa riders, kabilang ang pagpasa ng amyenda sa Doble Plaka Law; pagpapahinto sa pagbabawal ng LTO sa temporary license plates; at ang pagtutulak sa panukala na maggagawad ng mga benepisyo sa mga rider sa ilalim ng Labor Code.

Para naman sa mga estudyante, binanggit ng senador ang kanyang amyenda sa Senate Bill 2699 na nagkakaloob ng substansyal na diskwento sa mga mag-aaral sa kanilang pagbili ng internet load.

Lusot na ang panukala sa ikatlo at huling pagbasa sa Senado.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.

What's trending