Pope Francis ililibing sa labas ng Vatican, world leaders magsasama-sama

MAHIGIT 250,000 katao ang nagbigay ng huling respeto kay Pope Francis sa loob ng tatlong araw ng public viewing.

At ‘yan ay nagtapos noong Biyernes, April 25.

Ilan lamang sa mga nakipaglamay ay mga deboto, mga lider ng simbahan, at mga pulitiko mula sa iba’t-ibang panig ng mundo.

Ngayong Sabado, April 26, ang state funeral ng Santo Papa na gaganapin sa St. Peter’s Square sa Rome na sinasabing isa sa pinakamalaking pagtitipon ng world leaders sa kasaysayan ng Vatican.

Ayon sa Vatican, 164 na delegasyon ang kumpirmadong dadalo, kabilang ang 54 state leaders at 12 royalties mula sa iba’t-ibang bansa.

Baka Bet Mo: ALAMIN: Sino ang posibleng maging bagong Santo Papa?

Magsisimula ang funeral Mass ng 4 p.m. (Manila time) sa pangunguna ng isang koro na aawit ng Latin rites.

Ihihimlay siya sa Basilica of Santa Maria Maggiore, sa labas ng Vatican, ayon na rin sa kanyang kagustuhan. 

Ang huling pope na inilibing sa labas ng Vatican ay si Leo XIII noong 1903.

Si Pope Francis ay pumanaw noong April 21 sa edad na 88 matapos makaranas ng stroke at cardiac arrest. 

Narito ang kumpletong listahan ng world leaders na makikipaglibing kay Pope Francis:

America

• Argentina: President Javier Milei

• Brazil: President Luiz Inacio Lula da Silva

• United States: President Donald Trump at dating Pangulong Joe Biden

• Canada: Governor General Mary Simon

• Honduras, Ecuador, Belize, at Dominican Republic – mga kasalukuyang pinuno ng estado

Europe

• France: President Emmanuel Macron

• Germany: President Frank-Walter Steinmeier at dating Chancellor Olaf Scholz

• United Kingdom: Prince William at Prime Minister Keir Starmer

• Italy: President Sergio Mattarella at Prime Minister Giorgia Meloni

• Spain: King Felipe VI at Queen Letizia

• Belgium: King Philippe at Queen Mathilde

• Sweden: King Carl XVI Gustaf at Queen Silvia

• Norway, Netherlands, Austria, Poland, Portugal, Ireland, and many more – mga lider at royal family members

Middle East

• Jordan: King Abdullah II at Queen Rania

• Qatar, Lebanon, Palestine, Iran, at UAE – mga opisyal at pinuno

Africa

• Kenya: President William Ruto

• Angola, Gabon, DR Congo, Togo, Madagascar, at iba pa – mga kasalukuyang pangulo

Asia-Pacific

• Philippines: President Ferdinand Marcos Jr.

• India: President Droupadi Murmu

• Indonesia: President Joko Widodo

• Australia, New Zealand, Bangladesh, East Timor – mga pinuno ng estado

International Organization

• United Nations: Secretary-General Antonio Guterres

• European Union: Ursula von der Leyen at Antonio Costa