Doug Kramer pasabog ang 30-lb weight loss, nag-share ng fitness tips
PHOTO: Instagram/@dougkramer
PARA kay Doug Kramer, hindi hadlang ang edad sa pagpapa-sexy o pagpapaganda ng katawan!
Sa edad na 42, ipinakita ng celebrity dad ang kanyang nakakamanghang fitness transformation matapos magbawas ng 30 pounds sa loob ng dalawang taon.
Sa isang Instagram post nitong Miyerkules, March 5, ibinahagi ni Doug ang kanyang before-and-after photos na nagpapatunay ng kanyang fitness journey.
“Who said this wasn’t possible at age 42? And you can do it too!” bungad niya.
Baka Bet Mo: Doug sa solid na pagsasama nila ni Chesca: Never pang nag-away sa pera, tuloy ang date night, sabay na nagdarasal
“I’d like to blame it on the pandemic eating and the viral ube pandesal,” pabirong sabi pa ni Doug na inamin na hindi rin siya nakaligtas sa masasarap na tukso ng pagkain noong pandemya.
Inamin ng basketball player na hindi madali ang fitness journey niya dahil kahit araw-araw pa siyang nagwo-workout noon ay hindi ito nagiging effective dahil na rin sa maling pagkain niya.
“I had to learn one of the biggest lessons the hard way: You cannot out exercise a bad diet!” sey ni Doug.
Paliwanag niya, “You can workout all you want, but if your eating habits won’t change, you won’t see changes.”
Kaya naman para sa mga gusto ring pasukin ang mundo ng fitness, may paalala si Doug –huwag lang puro exercise, dapat ayusin din ang mindset at pagkain!
“Eat better, to look and feel better. I truly believe that building muscle and proper diet are keys to ‘slowing’ down the aging process,” aniya sa post.
View this post on Instagram
Sa ngayon, mas fit at healthier na si Doug kasama ang kanyang pamilya—ang kanyang asawa na si Chesca Garcia, at ang kanilang tatlong anak na sina Kendra, Scarlett, at Gavin.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.