Chefs Jac, Abi sa pagdating ng Michelin Guide sa PH: ‘It will be challenging!’

Chef Jac Laudico, Chef Abi Balingit

PARA sa sikat na culinary chefs na sina Jac Laudico at Abi Balingit, ang pagdating ng Michelin Guide sa ating bansa ay isang magandang senyales para sa culinary scene ng Pilipinas.

Magugunita na nauna na naming naibalita na opisyal nang ilulunsad ang Michelin Guide sa taong 2026.

Ang nakatakda nilang gawin ay libutin ang mga pangunahing food hotspots katulad ng Manila, Pampanga, Tagaytay, Cavite, at Cebu—mga lugar na kilala sa kanilang world-class na gastronomic scene.

Para sa mga hindi pamilyar, ito ang nagbibigay ng “Michelin Stars” na isa sa pinakamataas na parangal sa mundo ng pagkain. 

Ang mga bituin ay ibinibigay ng mga anonymous at independent food inspectors gamit ang ilang criteria, kabilang na ang quality of the ingredients, mastery of cooking techniques, harmony of flavors, personality of the cuisine, at consistency both over time and through the menu as a whole.

Baka Bet Mo: Lumpia Queen Abi Marquez kay Gordon Ramsay: Grabe yung experience!

Dahil diyan, tila tuwang-tuwa ang dalawang chefs nang tanungin ng BANDERA ang tungkol diyan.

Sey ni Chef Abi, “It’s a great honor to showcase amazing food that Filipinos are making. Honestly, I’ve been travelling around the world and I think Filipino food is still the best food.”

Hirit naman ni Chef Jac, “Bringing the Michelin in the Philippines is really something that you have to commit your resources and your government and your sponsorship. Because it’s not free. They just randomly go to countries.”

“So for them to be here, it’s a good sign that our government are willing to promote our cuisine on that leve,” patuloy niya.

Nang mag-follow up naman kami kay Chef Jac kung ano ang posibleng maging epekto ng Michelin Guide pagdating sa mga Pinoy chef at restaurants.

Ang sagot niya, “Well, at least it will give us a chance na I hope a lot of restaurants will get recognized in the list, because it is globally accepted na rin. But I think it will be very inspiring for restaurateurs and I think it will be challenging.”

Paalala pa niya, “Maybe it’s good to see yourself at a certain standard but then don’t make it your everything. We don’t need others to validate.”

Samantala, nagkaroon ng collaboration sina Chef Abi at Chef Jac para sa ikalawang edisyon ng “Taste of the Philippines: A Global Culinary Journey.”

Naimbitahan ang BANDERA sa official launching nito kung saan bumabandera ang classic Filipino sweets na pinasosyal, mas bongga, at mas patok sa panlasa.

Ilan lamang sa mga natikman namin na may kakaibang twist ay ang Maja Blanca Cheesecake, Ube Cheese Crinkles, Halo-Halo Baked Alaska, Adobo Chocolate Chip Cookies, at Thai Tea Kutsinta.

Ang lahat ng ‘yan ay pwedeng matikman sa buffet selection ng Guevarra’s by Chef Laudico sa buong buwan ng Marso!

Para sa kaalaman ng marami, ang “Taste of the Philippines: A Global Culinary Journey” ay isang patuloy na serye ng food talks, cooking demos, Q&A sessions, at tastings na layong ipalaganap ang Filipino talent at pagmamahal sa mga pagkaing sariling atin.