MUPH 2025 ibinandera na ang official ‘headshots’ ng mga kandidata

PHOTO: Facebook/Miss Universe Philippines

LALONG umiinit ang labanan sa Miss Universe Philippines 2025!

Ibinandera na kasi ng MUPH Organization sa social media ang official headshot ng 69 candidates.

Mapapansin na ang ilang contenders ay fresh na fresh sa kanilang no-makeup makeup looks, habang ang ilan naman ay pak na pak sa kanilang bolder features.

“Pilipinas! Presenting the official headshots of the Miss Universe Philippines 2025 delegates,” proud na Facebook post ng organisasyon.

Baka Bet Mo: Winwyn Marquez feeling winner na agad sa Miss Universe PH 2025

Ilan lamang sa mga batikang beauty queens na muling sasalang sa upcoming edition ng national pageant ay sina Ahtisa Manalo (Quezon Province), Winwyn Marquez (Muntinlupa), Yllana Aduana (Siniloan, Laguna), Katrina Llegado (Taguig), Chelsea Fernandez (Sultan Kudarat), Chella Falconer (Cebu Province), Karen Nicole Piccio (Iloilo City), at Chanel Olive Thomas (Nueva Ecija).

Inilabas ang official headshots isang linggo matapos ang press launch na ginanap sa Makati.

Samantala, naglabas na ng “hot picks” ang international pageant publication na Missosology at ang nangunguna sa kanilang favorites ay si Tyra Goldman from Bohol.

Ang ilan pa sa mga top list nila ay sina Katrina, Yllana, Ahtisa, at si Jarina Sandhu ng Isabela.

Ang bumubuo naman sa kanilang Top 10 ay sina Maiko Ibarde ng Benguet, Chelsea, Eloisa Jauod na pambato ng Laguna, Juliana Fresado from Ilagan City, at si Winwyn.

Wala pang detalye tungkol sa coronation event na kung saan nakatakdang ipasa ni Chelsea Manalo ang kanyang titulo at korona bilang Miss Universe Philippines.

Kung matatandaan, nagtapos si Chelsea bilang Top 30 sa 73rd Miss Universe competition na ginanap sa Mexico noong Nobyembre.

Pero kahit hindi niya nakuha ang korona, siya naman ang itinanghal na first-ever continental queen na Miss Universe Asia, pati na rin ang National Costume Award.