Sofia Pablo sa beauty contest: Hindi ko nakikita ‘yung sarili ko sa Q&A
Sofia Pablo
HINDI isinasara ng Kapuso actress na si Sofia Pablo ang pinto sa posibilidad ng pagsali niya sa mga beauty pageant in the future.
In fairness, marami ang nagkokomento na may future si Sofia kapag nag-join sa pageant dahil bukod sa maganda ay ibubuga rin ang 18-year old na aktres pagdating sa intelligence.
Sa panayam ng “Fast Talk With Boy Abunda” sa dalaga kamakailan ay napagchikahan nga ang posibilidad nang pagsali niya sa Miss Universe Philippines, Misa World Philippines at iba pang beauty contest.
Sey ng Kapuso star kay Tito Boy, “Sa ngayon po, no. Hindi ko po nakikita ‘yung sarili ko na rumarampa, nagku-Q and A (question and answer).
“Sa ngayon wala pa, pero I’m not closing the doors po,” aniya pa.
Baka Bet Mo: Kyle Echarri bukas ang puso para kay Andrea: ‘Maybe, you’ll never know’
Sunod na question ng King of Talk, ano ang pananaw ni Sofia sa usaping competition, lalo na sa mundo ng showbiz.
“I don’t believe in competition, I don’t believe ‘yung competition with others.
View this post on Instagram
“Naniniwala po ako na ‘yung competition, it’s within you. You should be better than yourself every day,” chika ng dalaga.
Patuloy pa niya, “Kunwari sa show na ‘to, tapos you have a next show, you have to do better.
“Mas ginagalingan ko. Hindi talaga ako naniniwala sa parang competition with others, we’re all different in our own ways,” esplika pa niya.
Bibida si Sofia sa upcoming GMA Afternoon Prime show na “Prinsesa Ng City Jail” na magsisimula na sa January 13, 2025.
Kasama rin siya sa Metro Manila Film Festival 2024 award-winning entry na “Green Bones” kasama sina Dennis Trillo at Ruru Madrid, mula sa direksyon ni Zig Dulay under GMA Pictures and GMA Public Affairs.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.