Kim Chiu matapos bisitahin si Kris Aquino: You’ll get better soon, ate!
PHOTO: Instagram/@chinitaprincess
MALAKI ang pag-asa ng TV host-actress na si Kim Chiu na patuloy ang paggaling ng Queen of All Media na si Kris Aquino.
Ito ay matapos niyang ibandera ang isang appreciation post nang bisitahin si Kris kamakailan lang.
Inilarawan pa nga ni Kim na “timeless” ang friendship nilang dalawa kahit ngayon lang ulit sila nagkita.
Sa Instagram, makikita ang ilang pictures kung saan naka-bonding niya si Kris, ang anak nitong si Bimby, pati na rin ang kapwa-aktres na si Miles Ocampo at ang TV writer na si Darla.
“Time may have passed, but some friendships remain timeless. Seeing ate Kris Aquino after so long felt like no time had passed at all,” sey ni Kim.
Baka Bet Mo: Kris Aquino love na love si Michael Leyva, nagpakatatay kina Josh at Bimb
Pagbabahagi pa niya, “It was so heartwarming to see her smile, even as she continues to regain her strength.”
Inilahad din ni Kim ang kanyang well-wishes para kay Kris at umaasa na ito ay gagaling mula sa ilang autoimmune diseases.
“With prayers and medicine, you’ll get better soon, ate,” wika niya.
Kasunod niyan ay ang kanyang pasasalamatan na binigyan siya ng early birthday present.
“Thank you for letting us visit, and of course, thank you, Bimb, for taking care of us,” dagdag ni Kim.
Aniya pa, “Thank you so much, ate, for the early birthday gift…and also I am always thankful for you ate for everything. Love you so so so much!”
View this post on Instagram
Kung matatandaan, taong 2023 pa nang huling bumisita si Kim kay Kris habang nasa California.
Dalawang taon nanatili sa nasabing bansa ang Queen of All Media upang sumailalim sa ilang treatments ng kanyang sakit.
Samantala, recently lamang nang magkaroon ng first public appearance si Kris makalipas ang ilang taon kung saan ay dumalo siya sa People of the Year 2025 ng PeopleAsia magazine.
Naroon siya sa event upang suportahan ang close friend na Pinoy fashion designer na si Michael Leyva na isa sa mga awardees.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.