Kris ipinakita sa publiko ang tunay na kondisyon, humiling uli ng dasal
Kris Aquino at Bimby
HILING ng Queen of All Media na si Kris Aquino na sana’y patuloy na ipagdasal ng mga taong nagmamalasakit sa kanya ang kanyang kalusugan.
Nagbigay muli ng update ang TV host-actress tungkol sa kanyang health condition, partikular na sa patuloy niyang pakikipaglaban sa autoimmune disease.
Sa isang Instagram Reel, ipinost ni Kris ang ilang litrato at video kung saan makikita ang mga sugat sa kanyang katawan, ang red spots sa mukha at ang patuloy na pagbagsak ng kanyang katawan.
Ibinalita rin dito ni Kris na tinamaan na rin siya ng lupus flare fever na mas nakadagdag pa sa nararanasang karamdaman.
Aniya sa caption ng kanyang IG post, “This is MY NOW… i wanted you to see the pain and struggle so that you will continue to pray. i have a Lupus Flare fever now. It’s been more than 2 weeks.”
Ipinakita rin ng nanay nina Joshua at Bimby sa mga netizens ang mga signs and symptoms ng lupus na naglitawan sa kanyang katawan.
“Very visible in my spine because there’s no fat. The area where my hand is where my bone protrusions are,” saad ng aktres.
View this post on Instagram
Nakasaad sa mayoclinic.org, ang lupus daw ay isang “disease that occurs when your body’s immune system attacks your own tissues and organs (autoimmune disease). Inflammation caused by lupus can affect many different body systems, “with the most distinctive sign being a facial rash that resembles the wings of a butterfly unfolding across both cheeks.
“It also includes symptoms of fatigue, fever, joint pain, stiffness and swelling, skin lesions that appear or worsen with sun exposure.”
Sa comments section ng post ni Kris, bumuhos muli ang mensahe mula sa kanyang mga fans at kaibigan sa showbiz tulad nina Gary Valenciano, Iza Calzado, Cherry Pie Picache, Sugar Mercado, Rhap Salazar, fashion designer Francis Libiran at marami pang iba.
Nauna rito, marami na ang nag-alala sa kundisyon ng TV host-actress nang makita ang isang photo nito kasama ang bunsong anak na si Bimby.
Dahil dito, may mga nag-suggest kay Kris na subukan nang magpatingin sa faith healer o albularyo at baka mapagaling siya nito sa kanyang mga karamdaman.
Ayon sa ilang netizens, sobra na naman ang kapayatan ngayon ni Kris base sa mga litratong ipinost ni Lian, Batangas Vice Mayor Ronin Leviste, na kuha nang dalawin nila ang TV host sa tahanan nito kamakailan.
Naalarma ang mga tagasuporta ni Kris lalo na sa picture kung saan inaalalayan siya ni Bimby at kitang-kita nga ang sobrang kapayatan nito lalo na ang kanyang mga binti.
Obvious din sa kanyang mukha ang nararamdamang paghihirap kapag siya ay tatayo at kikilos. Kaya naman marami ang nangako kay Kris na patuloy na ipagdarasal ang kanyang kalusugan.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.