Female singer itinatago ang BF na may konek din sa showbiz, takot matsismis

NAKATAWANG kinumpirma sa amin ng isang taong malapit sa isang female singer na may dyowa na ito pero ayaw munang aminin dahil makakasagabal daw sa kanyang career.

May koneksyon din kasi sa showbiz ang dyowa ng female singer kaya ingat na ingat siyang malaman ito ng publiko.

Palihim na nagkikita ang female singer at dyowa niya pero dahil kumakain naman sila sa mamahaling restaurant ay may mga nakakakita sa kanila.

Minsan nga ay nakunan pa sila at ipinost sa social media pero hindi naman ito nag-viral dahil blurred ang kuha na tila nagmamadali ang paparazzi at pinahulaan pa kung sino ang dalawang personalitad nang i-post niya ito.

Sabi ng aming source, “Buti na lang hindi nahulaan ng netizens kasi nga blurred ‘yung kuhang magkaharap sila habang kumakain.

Baka Bet Mo: Erik, Yeng, Christian 1st time magsasama sa concert, may iniiwasang singer?

“Hindi naman din sila nagtagal dahil after kumain ay umalis na sila. Kaya siguro nagmamadali rin ‘yung netizen na kumuham ending blurred,” aniya pa.

Maraming raket si female singer pero ang dyowa niya ay hindi ganu’n karami kaya tinutulungan siya ng una at in fairness ay hindi naman mapagsamantala ang dyowa ng dalaga.

Sa kasalukuyan ay tago nang tago ang dalawa kaya ang tanong namin sa aming source ay hanggang kailan sila magtatago dahil wala namang naililihim sa showbiz.