Cassy Legaspi sumeksi dahil sa pagbabago ng lifestyle: I lost 30 pounds
Cassy Legaspi
SUCCESSFUL ang health and fitness journey ng Kapuso actress at host na si Cassy Legaspi matapos mabawasan ang kanyang timbang.
Ibinandera ng anak nina Carmina Villarroel sa buong universe ang resulta ng ginagawa niyang pagpapapayat ngayong 2025.
Base sa napapanood naming mga Tiktok video ni Cassy at sa mga latest photos na ipino-post niya sa Instagram, kitang-kita ang napakalaking pagbabago sa kanyang katawan.
Aside from this, mas naging blooming pa ngayon ang dalaga at nag-uumapaw ang self-confidence.
Pinusuan at ni-like rin ng mga netizens ang kanyang Latina makeup challenge sa social media pati na ang kanyang Valentine’s Day photoshoot.
Ini-reveal ni Cassy sa panayam ng GMA ang resulta ng kanyang weigh loss journey, “I lost 30 pounds. Grabe ‘yung 30 pounds na iyan.”
Baka Bet Mo: Carla wasak ang puso sa mga papataying aso sa Bacolod City Pound; ubos na ang donasyon, wala nang gustong mag-adopt
Sey ng Kapuso star, kinailangan din talaga niyang magbawas ng timbang dahil sa pagkakaroon ng hypothyroidism na nakaapekto sa kanyang overall health.
Mas kinakarir na raw niya ngayon ang pag-aalaga sa kanyang kalusugan at grabe rin ang pinaiiral niyang disiplina pagdating sa kanyang eating habits.
View this post on Instagram
“Nagpa-check up na ako and then talagang change lifestyle. In terms of diet, kailangan talaga itiyaga but at the same time hindi pwede mag-calorie counting masyado.
“Dapat sakto lang, saktong amount. The types of food din that I eat,” sabi pa ng twin sister ni Mavy Legaspi
Sey pa ng falaga, talagang all-out ang support ng kanyang pamilya sa ginagawa niyang fitness journey. Sa katunayan, sinasabayan pa siya ng mga magulang at kapatid kapag meron siyang workout sessions.
“That’s our bonding. Actually, it does. Parang two in one na siya na since I don’t get to see my family as we much all love work and all of that, parang iyan na ‘yung bonding namin, nagdyi-gym kami,” saad ni Cassy.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.