Ariella Arida national director na ng MUPH: ‘It’s an easy yes for me!’
PHOTO: Instagram/@araarida
FROM queen to mentor!
‘Yan ang bagong milestone ni Ariella Arida matapos italagang national director ng Miss Universe Philippines Organization (MUPH).
Ang nakakagulat na balita ay inanunsyo mismo ni MUPH Executive Vice President Voltaire Tayag noong Sabado, February 15, sa isang event na ginanap sa Makati Shangri-la.
Nakachikahan ng INQUIRER si Ariella at inamin niya na hindi siya nagdalawang-isip sa alok ng MUPH Organization.
“It’s an easy yes for me because it’s a journey that I’ve been through and I want to share it with the girls as well, and with the organization as well,” sey niya sa panayam.
Baka Bet Mo: Ariella nag-audition daw sa ‘Darna’ bilang Valentina: My God! Sana nga po, ipagdasal po natin!
Sinabi rin niya na ikinatutuwa niya ang maging parte ng nasabing organisasyon dahil very close naman siya sa mga miyembro nito.
“Of course, deep inside my heart I know it’s a big responsibility that I need to prepare. But I’m more excited for it,” saad niya.
Dagdag pa ng 2013 Miss Universe third runner-up, “It’s gonna be fun, and hopefully this year we finally get our fifth Miss Universe crown. I’m really manifesting that.”
Sa pamamagitan ng Instagram, ibinandera ni Ariella ang ilang pictures niya sa nasabing event.
Ang proud na caption niya: “Grateful and ready! Looking forward to an exciting journey ahead.”
“Thank you so much @themissuniverseph for the trust and opportunity to serve as a National Director. I’m committed to making a positive impact and helping every woman shine on her path to success as they chase their dreams. Let’s make this year an incredible one,” wika pa niya.
View this post on Instagram
Si Ariella ang pumalit sa pwesto ni Jonas Gaffud matapos ang 2024 edition.
Si Miss Universe 2011 third runner-up Shamcey Supsup naman ang kauna-unahang national director mula noong 2020 hanggang 2023.
Sa ngayon, si Jonas ay mananatiling presidente ng MUPH at si Shamcey ang magsisilbing direktor pa rin.
Ang focus ni Ariella ay training and development para sa kandidata na magwawagi sa national competition.
69 na mga kandidata ang maglalaban-laban para sa 2025 Miss Universe Philippines pageant.
As of this writing, wala pang detalye kung kailan mangyayari ang coronation show, pero ang magwawagi diyan ang siyang magiging kinatawan ng Pilipinas para sa 74th Miss Universe pageant na gaganapin sa Thailand sa Nobyembre.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.