Pernilla Sjoö takot nang lumabas ng bahay dahil sa Andi-Philmar scandal
Andi Eigenmann, Philmar Alipayo at Pernilla Sjoö
NATATAKOT nang lumabas ng bahay ang Swedish photographer na si Pernilla Sjoö matapos madamay sa isyu ng engaged couple na sina Andi Eigenmann at Philmar Alipayo.
Naapektuhan daw nang todo si Pernilla sa pamba-bash sa kanya ng netizens dahil siya ang sinisisi kung bakit nagkaroon ng matinding away sina Philmar at Andi.
Kung anu-anong masasakit na salita ang ibinato sa photographer nang bumandera ang balitang nagpa-couple tattoo sila ni Philmar na tinawag na kabastusan at kawalang-respeto kay Andi.
Dahil sa natatanggap na pangnenega at pagbabanta mula sa haters, natatakot nang lumabas ng bahay si Pernilla kasabay ng pag-deactivate ang kanyang social media account.
Sa gitna ng kontrobersyang ito, lumantad ang hunk actor na si Derek Ramsay para ipagtanggol ang kanyang kaibigan. Talagang tinira-tira niya si Philmar at hinamon pang magpakalalaki sa kinasasangkutang iskandalo.
Baka Bet Mo: Pernilla Sjoö sa isyung 3rd party umano kina Andi, Philmar: ‘I’m still human’
Sey pa ni Derek, walang katotohanan na iniiwasan ni Pernilla si Andi tulad ng naglabasan sa balita. In fact, gustung-gusto ni Pernilla na kausapin nang masinsinan si Andi – babae sa babae.
View this post on Instagram
“The truth is I think after the tattoo, there was a text from Andi saying ‘Wah.’ I think she made an attempt or she texted. Pern was busy working. Pern replied the following day, ‘Hey. Let’s talk.’
“Ayaw na (ni Andi). She reached out again, ‘I’m willing to talk.’ Wala na talagang sagot. (Andi) reached out but it wasn’t a reach out na, ‘Hey we need to talk’ or ‘Hey what the hell?’
“She didn’t mention anything. Siargao is a small place. If you want to talk to her, then why didn’t you go to her house with your husband?” ani Derek sa panayam ng content creator at host na si Ogie Diaz.
Sabi raw ni Pernilla, niintindihan niya ang kanyang pagkakamali dahil sa ibang kultura ng Pilipinas. Ayon kay Derek, si Pernilla mismo ang kumausap kay Philmar para ayusin ang problema nila ni Andi.
“Siya pa ‘yung humingi kay Philmar, ‘Please, you need to make a statement about this.’ Imagine mo! Your so-called bestfriend, siya pa! ‘Yung babae nag-reach out sa’yo, Philmar, para magkaroon ng statement.
“Ano’ng sinabi mo? ‘I know’ Iyon lang? And then ang sasabihin mo is, ‘Okay na kami. This should all have been handled in private. Sana okay na rin kayo’? Wow! Inumpisahan n’yo ito tapos biglang ganoon na lang?” rebelasyon ni Derek.
Pagpapatuloy ni Derek, “Don’t know the situation but let us put it this way. Kung ang lalaki, takbo ng takbo. Kunwari ako if I keep running to my best friend, guy or girl, and I keep telling my guy friend or my girlfriend, ‘Ayoko na. Sobrang masama na. Ayoko na, ayoko na. Tapos na ito…’paulit-ulit na lang. It’s a vicious cycle. Away, bati, away, bati, away, bati. Ikaw, ano sasabihin mo na sa kaibigan mo?
“Kung ayaw mo, kung toxic na, e di tapusin mo na,” sey pa ni Derek.
Sabi ni Derek, hanggang ngayon ay hindi pa niya nakakausap nang personal at harap-harapan ang Swedish photographer dahil nagkukulong daw ito sa kanyang kwarto.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.