Pernilla Sjoö sa isyung 3rd party umano kina Andi, Philmar: ‘I’m still human’

Pernilla Sjoo, Philmar Alipayo, Andi Eigenmann

NAGSALITA na si Pernilla Sjoö, ang Swedish girl bestfriend ni Philmar Alipayo at itinuturong third party sa hiwalayan umano sa pagitan ng surfer at ni Andi Eigenmann.

Magugunitang naging usap-usapan si Pernilla matapos niyang ibandera sa social media ang matching “224” tattoos nila ni Philmar na ang ibig sabihin ay “Today, Tomorrow, Forever.”

Kasunod niyan ay ang posts ni Andi patungkol sa isang kaibigan na inahas siya.

Walang binanggit na pangalan ang dating aktres, pero very obvious na si Pernilla ang kanyang tinutukoy dahil nga sa nabanggit na couple tattoo.

Baka Bet Mo: RR kay Philmar matapos ang ‘matchy tattoo’: ‘OMG!! Nasaan ang utak mo?’

Dahil diyan, nag-react na si Pernilla sa isyu sa pamamagitan ng kanyang Instagram account ngayong Sabado, February 8.

Ang iginiit pa niya ay tao lamang siya ay nasasaktan din.

“I just don’t understand why some people have so much hate in their minds and bodies. I hope that if you ever make a hurtful comment, you can still sleep peacefully at night and smile knowing you’ve caused someone pain,” sey niya sa IG post.

Wika niya, “I’m still human din naman. I still feel hurt, and when it’s too much, it cuts deep.”

Apela pa niya sa publiko na sana ay maging “kinder” sa isa’t-isa at huwag humusga na hindi pa nalalaman ang buong istorya.

“I hope you never become the reason someone cries themselves to sleep or questions their worth — asking why they weren’t good enough,” caption niya.

Aniya pa, “You may think you understand, but you don’t.”

PHOTO: Instagram/@pernillasjoo_

As of this writing, naka-private na ang IG account ni Pernilla at hindi na makita ang kanyang posts.

Magugunitang sunod-sunod ang mga pasabog ni Andi hinggil sa estado ng relasyon nila ni Philmar.

Ito ay matapos mapansin ng maraming netizens na in-unfollow nila ang isa’t-isa sa IG.

Base sa mga posts ng celebrity mom, ang ikinagalit niya ay ‘yung pagpapa-couple tattoo ng surfer at ‘nung bestfriend nitong babae na hindi man lang siya kinunsulta.

Gayunpaman, nilinaw ni Andi na hindi nag-cheat sa kanya si Philmar, kundi ang nasabing dayuhang babae ang nagtaksil sa kanya.

Sinubukan rin daw ng dating aktres na mag-reach out sa kaibigan ni Philmar para sa paliwanag, ngunit mas pinili nitong huwag siyang pansinin.

Sina Andi at Philmar ay na-engage noong 2020 at ikakasal na sana last year, ngunit biglang pumanaw ang ina ng celebrity mom na si Jaclyn Jose kaya hindi ito natuloy.

Ang couple ay may dalawang anak na sina Lilo at Koa.