Derek Ramsay kay Andi Eigenmann: Babae ka hindi kita aawayin

NAGLABAS ng saloobin ang aktor na si Derek Ramsay patungkol sa naging isyu sa pagitan nina Andi Eigenmann, Philmar Alipayo, at Pernilla Sjöo.

Sa kanyang naging panayam kay Ogie Diaz, nabanggit niya na hindi siya sang-ayon sa ginawang pagpo-post ni Andi at itinuturing niya itong irresponsable.

Para sa mga hindi aware, isa si Derek sa mga kaibigang artista ni Pernilla.

Matatandaang pasabog ang mga bagong pahayag ni Andi kamakailan tungkol sa pangyayari sa relasyon nila ni Philmar kung saan damay ang bestfriend umano nitong si Pernilla dahil sa pagiging malapit nito at ang pagkakaroon nilang “matching tattoos”.

Baka Bet Mo: Ina ni Derek Ramsay nahulog, nabalian ng buto: ‘Scariest moment of my life!’

 

View this post on Instagram

 

A post shared by Bandera (@banderaphl)

“For me, you should have not done that… Kung galit ka, naiintindihan ko yun. Nasa kultura ng Pilipino yun. Mali na nagpa-tattoo sila together. She’s a foreigner. She didn’t do it with intent to hurt Andi…” saad ni Derek.

Ayon pa sa asawa ni Ellen Adarna, mali ang ginawang pagsasapubliko ni Andi ng mga pangyayari sa kanilang relasyon.

“Andi mali ka. Babae ka hindi kita aawayin.That was very irresponsible of you. Because you don’t know how a post like that can really destroy somebody,” pagpapatuloy pa ni Derek.

Aniya, malaki raw ang naging epekto sa kaibigan niya ng mga naging pangyayari dahil sa mga natatanggap niyang pamba-bash mula sa netizens.

“Meanwhile this poor lady is hiding, afraid for her life because she’s getting threats, for her family who’s living abroad,” lahad pa ni Derek.

Maging ang boyfriend ni Pernilla na isa ring Bisaya ay apektado na rin sa pangyayari.

“Pati yung boyfriend nasasaktan na. Kasi yung boyfriend taga Siargao, all his relatives are there. He’s also worried for them,” sabi pa ni Derek.

Samantala, ibinandera naman ni Philmar sa pamamagitan ng isang video na maayos na ulit ang lahat sa kanila ni Andi.