Ogie Diaz sa pagpatol ni Pia sa basher: Parang nanghihingi ng simpatya
Pia Wurtzbach at Ogie Diaz
FEELING ng talent manager at content creator na si Ogie Diaz ay nanghihingi ng simpatya si Miss Universe 2015 Pia Wurtzbach sa mga netizens.
Ito’y matapos ngang isapubliko ng actress-host ang isang direct message sa kanya ng isang basher patungkol sa pagsasama nila ng asawang si Jeremy Jauncey.
Ibinandera ni Pia sa kanyang Instagram story ang pang-ookray at pangnenega sa kanya ng nasabing netizen sa pamamagitan nga ng DM o direct message sa social media.
Sey ng hater, sana raw ay mag-file ng divorce ang mister niyang si Jeremy dahil isa raw siyang “mangga” o manggagamit.
Baka Bet Mo: Luis Manzano ‘hinarana’ si Baby Rosie, sey ni Jessy Mendiola: Nanghihingi ng saklolo si Peanut!
“Why black and brown Hermes purse is all you got? Para madali iterno? Di afford unique design??
“Praying for your divorce soon, soon he will realize you are a user and can’t bring anything in the table. Pero MAs maganda if pregnant ka muna so you’ll be divorce single mom. Manifestin,” sabi ng netizen.
View this post on Instagram
Bwelta ni Pia, “Just another day, another DM. Wild, right? C’mon people. Bagong taon na. Nag CNY pa.
“It’s exhausting, and hurtful din ha. Let’s stop normalizing this kind of online behavior,” ang mababasa pa sa text caption ni Pia sa kanyang IG story.
Hirit pa ng beauty queen, “Out na natin yung ganito for 2025 and instead, let’s be nice to each other and support and uplift one another.”
Sa nakaraang episode naman ng YouTube vlog ni Ogie na “Showbiz Updates” sinabi niyang kung siya si Pia ay hindi raw siya maglalaan ng oras na patulan ang netizen.
“If I were Pia, hindi ko sasagutin ‘yon ganyan. Alam mo mas better, block that creature. Kasi nagpo-post ka pa ng ganyan, siyempre parang humihingi ka ng simpatya,” sey ni Mama Ogs.
Ang punto pa niya, “Ako mismo nabubuwisit sa netizen na ‘yan. Siyempre babawian ko ‘yan, ‘Huy, ikaw ha! Ba’t mo ginano’n si Pia blah blah.’ Mabo-bombard talaga siya.“
Dugtong pa ni Mama Ogs, “Kaya lang ‘yong iba, na hindi naman ito alam kasi DM nga lang, ipinaalam mo sa kanila.
“Ang ending tuloy magkakaroon sila ng ideya, ‘A, ito pala ‘yong mga klase ng messages na pinapatulan ni Pia. Sige, gagawa ako ng mas malala dahil gusto kong patulan; gusto kong mapansin,’” aniya.
Pero sa huli, nasabi rin ni Ogie na hindi rin naman niya masisis si Pia dahil may mga pagkakataon na ganu’n din ang thinking niya kapag may mga namba-bash sa kanya.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.