#Finally: Angel Locsin nabawi na ang X account, nagbabalik socmed
SA wakas ay nabawi na ng award-winning actress na si Angel Locsin ang kanyang official X (dating Twitter) account.
Nag-post na ang aktres sa kanyang account na sinasabing nakuha na niya ang account mula sa mga bashers.
“Hello everyone long time no chat. I just wanna say I have recovered my X account (totoo na to, pramis ) Thank you sa mga tumulong and@X for helping. I miss you all and ingat lagi ,” saad ni Angel.
Marami naman sa mga netizens ang nagduda at tila hindi kumbinsido na nabawi na ng aktres ang kanyang X account.
Baka Bet Mo: X Account ni Angel Locsin, na-hack
View this post on Instagram
Bago pa kasi ang naturang tweet ay nag-post na ang hacker ni Angel na nabawi na niya ang account pero base sa IG story ng asawa niyang si Neil Arce ay wala itong katotohanan.
Comment ng isang netizen, “Pag na confirm to ni Neil Arce tsaka ako maniniwala.”
Ni-retweet naman ito ni Angel at sinabing, “Mahal ko, paki confirm.”
Sinagot naman ito ni Neil at sinabing, “Account recovered.”
Marami naman sa mga netizens ang natuwa sa muling pagbabalik social media ni Angel.
“Kung di pa kayo mahahack, di pa kami makakakita ng proof of life niyo. Haha. Jk. Hope you’re always happy, healthy and safe. Dito lang kami at nag aantay lang sa inyong pagbabalik,” saad ng isang netizen.
Comment naman ng isa, “Sana may pelikula or TV show ka ulit miss ka na namin angel!”
“Ikaw na ba talaga yan huhuhu, kumusta ka na idol? Balik ka na sa amin pleassseeee….” sey naman ng isa.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.