Kathryn, Alden ayaw nang magkaroon ng part 3 ang ‘Hello, Love, Again’
PARA kina Kathryn Bernardo at Alden Richards, hindi na kailangang magkaroon ng part 3 ang blockbuster movie nilang “Hello, Love, Goodbye” at ang sequel nitong “Hello, Love, Again.”
Matindi raw talaga ang pressure na nararamdaman ng tambalang KathDen sa “Hello, Love, Again” mula sa Star Cinema, ABS-CBN Studios at GMA Pictures.
“Medyo mabilis lahat ng nangyari so it’s just sinking in now I think. And I’m pretty nervous,” ang pahayag ni Kathryn sa panayam ng “24 Oras.”
Sey naman ni Alden, isa talaga sa pinanggagalingan ng nararandaman nilang pressure ay ang tagumpay ng first movie nilang “Hello, Love, Goodbye” na talaga namang gumawa ng kasaysayan sa Philippine movie industry.
“Actually in all projects naman, most especially this project, since this is very special to both of us, the pressure of you know kasi may tinitingnan na benchmark from the previous film, eh.
Baka Bet Mo: Kathryn ayaw na sanang gawin ang ‘Hello, Love, Again’, anyare?
“Of course there’s gonna be comparison in a way and siyempre ‘yung pressure of the box office, etcetera.
“But it is for the people to decide and it’s for them to really, by word of mouth, to tell if the movie is worth watching,” esplika ni Alden.
Pero sabi ni Kath, ang maganda raw ngayon ay ang katotohanang mas komportable na siya habang ginagawa ang “HLA” lalo pa’t kasama pa rin niya si Alden.
“I think it is just very comforting to know that I am not doing this alone because like what I said kanina grabe lang siguro ‘yung sobrang kinakabahan sa lahat ng mangyayari so it is just nice na feeling ko ngayon hindi ko lang siya mag-isa hinaharap, kasi kasama ko si Alden,” pahayag ng Box-Office Queen.
At sa tanong nga kung gusto pa nilang magkaroon ng part 3 ang kanilang movie, si Kathryn ang unang sumagot, “I think this will put an end.”
Sey naman ni Alden, “To Joy and Ethan’s journey.”
“Pagpahingahin na natin sila kasi parang they have been through a lot but on our point of view maybe it’s time to say goodbye to Joy and Ethan but what if, the what if, but we can’t tell. But for us personally parang okay na,” dagdag pa ng Asia’s Multimedia Star.
Paniniguro pa ni Kathryn sa lahat ng manonood sa “HLA”, “This will answer all their questions.”
Showing na ang “Hello, Love, Again” sa November 13 sa lahat ng sinehan nationwide. Kasama rin dito sina Jennica Garcia, Joross Gamboa, Valerie Concepcion at marami pang iba, mula sa direksyon ni Cathy Garcia-Sampana.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.