MATAPOS ang malakasang hard launch ay engaged na pala ang Filipino basketball player na si Kiefer Ravena sa kanyang girlfriend na si Diana Mackey.
Sa kanyang recent Instagram post nitong Huwebes, October 31, ibinandera niya ang larawan nila ng dyowa na may suot na engagement ring.
“An October to Remember,” saad ni Kiefer sa caption.
Isang kumpirmasyon rin na talagang engaged na ang dalawa ay matapos nilang i-repost ang mga Instagram stories ang mga congratulatory messages sa kanila ng mga malalapit na kaibigan at kaanak.
Baka Bet Mo: Diana Mackey ibinandera na ang relasyon kay Kiefer Ravena: Mahal kita
View this post on Instagram
Matatandaang bago ang big news na engaged na ang dalawa ay kakabandera at kakakumpirma lang ni Kiefer ang tungkol sa real score sa pagitan nila ni Diana.
Bago pa ito, una nang kinuwestiyon ng mga netizens kung ano ang meron sa kanila matapos silang mamataang magkasama at sweet na sweet na nagbabakasyon sa Siargao.
Para sa mga hindi nakakakilala kay Diana, dati siyang pumasok sa “Pinoy Big Brother” bilang housemate noong 2019. Madalas rin itong sumali sa mga beauty pageants.
Sa ngayon ay isang ganap na flight attendant ang dyowa ni Kiefer.
Bago ang kanilang pag-amin, si Alyssa Valdez ang karelasyon ng basketbolista ng ilang taon hanggang sa maghiwalay sila noong 2022.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.