Jerald Napoles, Kim Molina at Dimples Romana
ISA si Dimples Romana sa mga na-happy nang mag-propose si Jerald Napoles sa kanyang longtime partner na si Kim Molina.
Ibinandera ng celebrity couple last Sunday, August 11, ang kanilang engagement sa kani-kanilang social media account na naganap sa PETA Theater Center sa Quezon City.
Sa pamamagitan ng kanyang Instagram account, nagbigay ng mensahe si Dimples para kina Jerald at Kim.
“The kind of love that sings in all seasons of life. I love you both!! Congratulations @iamjnapoles @kimsmolina,” simulang pagbati ni Dimples.
“Back in Kadenang Ginto, I recall how Kim would gush over her then bf now fiancé Je about how sweet he is giving him honey, pabaon in a bottle that had ‘cute’ stuff in it, okay won’t reveal here, but I said, uy sweet naman,’” patuloy ng Kapamilya star.
Matatandaang nagkasama sina Dimples at Kim sa Kapamilya afternoon series na “Kadenang Ginto” noong 2018 kung saan gumanap sila bilang mag-bestfriend na sina Daniela Mondragon at Savannah Rosales.
Sa IG post ni Dimples, nabanggit niyang naging saksi siya kung paano naging solid ang relasyon ng engaged couple sa loob ng isang dekada.
Baka Bet Mo: Jerald sa pagpo-propose kay Kim: Madali lang namang magplano ng pagpapakasal, pero mahirap talagang panindigan
“And 10 years later, I still hear my little sister Kimmy have the same gushing voice over how Je takes care of her. How beautiful and warm and fuzzy to see a love that lives in the little moments.
“So here’s to the big ones, small ones and everything in between my loves. I can’t wait to celebrate with you! Love lives,” pahabol pa ni Dimples.
Nag-reply naman si Jerald sa post ng aktres, “Hahaha naalala ko sinabi mo kay @kimsmolina tungkol sa honey. Love you mare!! Cheers to KimJe’s friendship with you and @papaboyetonline forever!”
Komento naman ni Kim, “ATEEEEE! Love u forever. at HOY YUNG HONEY hoy! hahahahaha! Hayyy!!! My heart when I saw you also last night. Mahal kita araw araw.”
Sumagot uli si Dimples, “@kimsmolina ako din. Lagi lagi ko kayong mahal dalawa. O pano, wag ka na iinom nung honey ha. Pwede na.”
Isa si Dimples sa mga personal na nakasaksi sa engagement nina Jerald at Kim sa PETA Theater Center.
Sabi ni Jerald sa kanyang Instagram post kalakip ang engagement photos nila ni Kim, “On this stage, exactly 10 years ago, we met for the first time.
“We didn’t know each other, two worlds apart–– Saudi (Arabia) girl [and] Tondo boy. Nag-duet kaagad tayo ng hindi pa nag-uusap, so doon tayo nagkakilala,” Jerald recalled
“This stage has given me a lot of things in my life. Progress, dreams, goals, career, a name, a family, new friends, and of course, a special someone. Pasensya na kung sampung taon ang inabot, pinahinog lang siguro ng panahon,” aniya pa.
Sa post naman ni Kim, sinabi niyang sumagot siya agad ng “yes” kay Jerald, “Back to where we first met, the exact spot where it all started.. it has always been a ‘YES’, and will forever choose you. I love you, @iamjnapoles.”
“Maraming salamat din po to everyone who helped Jerald mount this unforgettable moment of our lives,” dagdag niya.