Sandara emosyonal sa reunion concert ng 2NE1: It’s still like a dream!
Sandara Park at 2NE1
HINDI napigilan ng aktres at K-Pop idol na si Sandara Park ang maging emosyonal nang mapag-usapan ang dati niyang grupo na 2NE1.
Makalipas nga ang walong taon, muling magsasama-sama ng all-female South Korean group na 2NE1 para sa isang bonggang reunion project.
Baka Bet Mo: Reunion ng 2NE1 sa Coachella No. 1 top trending topic sa Twitter; iconic hairstyle ni Sandara Park agaw-eksena
Sa guesting ni Sandara sa South Korean SBS radio programa na “Cultwo Show” nitong nagdaang July 26, napaiyak ang dalaga nang batiin siya ng mga host at iba pa niyang mga kagrupo sa pagbabalik nila sa music scene.
View this post on Instagram
Magaganap ang “2NE1 Concert (Welcome Back) In Seoul” sa October 5 at 6 sa Olympic Hall, Olympic Park. Ito ang magsisilbing reunion concert ng grupo after ng “All or Nothing” show nila sa Seoul noong March, 2014.
Mahalagang bahagi ang Olympic Hall sa journey ng 2NE1 bilang grupo dahil doon din ginanap ang kanilang first-ever concert sa Korea, ang “2NE1 1st Live Concert: Nolza!” nong August, 2011.
Sabi ni Dara, “I’ve really waited for this too, and I’m so happy that I can proudly talk to our fans after eight years.”
Hindi raw niya talaga maiwasan ang maging emotional, “Because the news came out and I’ve received congratulations from so many people.”
Baka Bet Mo: Sandara Park lumafang agad ng sisig, garlic rice at sinigang na hipon pagbalik ng Pinas
Ibinalita rin ng Korean actress-singer na nagsimula na siya kasama ang iba pang miyembro ng grupo na sina CL, Park Bom, at Minzy, na mag-rehearsal for the concert.
“It’s still like a dream, it’s so good. It feels good, even though it’s so hard to practice. We started practicing this week and we’ve been working hard.
View this post on Instagram
“We’re dancing for seven hours non-stop, and we’re all four working hard because we know this moment is precious. This is what it means to be full even if you don’t eat,” ang sabi pa ni Dara mula sa report ng Dispatch.
In-announce rin ni Sandara na ang 2NE1’s world tour will extend into the first half of 2025, “We are trying to go to Kobe, Japan, Tokyo Dome, and as many other countries as possible.
“We are practicing hard and will continue to tour until the first half of next year. The members are going to stop their individual activities and go all-in on 2NE1,” sabi pa niya.
Nagsimula ang career ng 2NE1 noong 2009 at na-disband taong 2016 after seven years together. Kaya naman siguradong susugurin ng kanilang fans all over the world ang kanilang reunion project.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.