Julia Barretto at Joshua Garcia
TODO ang pasasalamat nina Joshua Garcia at Julia Barretto sa lahat ng kanilang loyal fans na hindi pa rin sila iniiwan hanggang ngayon.
Sa grand mediacon ng kanilang reunion movie na “Un/happy For You” mula sa Star Cinema at Viva Films, natanong ng BANDERA ang ex-couple kung ano ang masasabi nila na kahit may kanya-kanya na silang buhay ay suportado pa rin sila ng JoshLia fans.
Maligaya na si Julia sa piling ni Gerald Anderson habang happy na rin si Joshua sa bago niyang athelete girlfriend na si Emilienne Vigier.
Ayon kay Julia, “Grabe din yung pinagdaanan nila. So, nagpapasalamat kami. We’re so grateful, guys, kasi never kayo nag-give up.
Baka Bet Mo: Vice Ganda sa mga dating nakasama sa ‘Showtime’: Bago tayo nagalit sa isa’t-isa, bago tayo nawatak, nagmamahalan tayo
“Hindi n’yo kami tinigilan na suportahan, kahit yung individual works namin nandiyan kayo.
“So sana this will bring you guys a lot of joy, yung movie na ito. Hindi namin inakala na finally makakagawa kami ulit. So this is really a very special one,” sey pa ni Julia.
Halos ganito rin ang sagot ni Joshua kasabay ng pagpapasalamat sa mga solid JoshLia fans na hanggang ngayon ay handa pa rin silang ipaglaban at suportahan.
Samantala, noong i-offer daw kay Julia ang reunion project with Joshua, wala raw siyang maisip na dahilan para tanggihan ito.
“During the pandemic, parang we were receiving na meetings and calls and then setting na meetings about it. Tapos originally iba yung kuwento niya and then pa-evolve ng pa-evolve na yung material.
“And I think it really boils down to the right time and the right script. It’s a feeling naman eh when you know na it’s time and the script is ready for the two of us. I was on board of course right away,” sey ni Julia.
“Honestly, I was just really excited to reunite with Josh and work with him again, to work with direk Petersen (Vargas) and the cast, our writers like Kookai (Labayen) whom I’ve worked with several times also.
Baka Bet Mo: Dating young actress gustong balikan ang nilayasang career, nagpaparamdam sa pinagtrabahuang TV network
“So it was more excitement. I think ang ganda ng mindset naming lahat coming into this project na we all had one goal and I think that all made us bond even closer,” aniya pa.
Sasagutin ng movie ang mga tanong na, “Masaya bang balikan? Dapat bang balikan? Delulu pang balikan? Masarap bang balikan? ‘Di na dapat balikan? Paano nga ba balikan?”
“Even all of our characters here in the movie, we all have our personal journeys na nakikita talaga namin yung isa’t isa Para kaming reflection ng isa’t isa.
“We all have our different pains and our different joys. It’s about healing, it’s letting go, it’s accepting, it’s setting free, it’s really going to be an emotional rollercoaster.ride in this film and excited kami na guluhin ang buhay niyo ng two hours. Joke lang!” ang natawang chika ni Julia.
Kasama rin sa “Un/Happy For You” sina Kaila Estrada, Aljon Mendoza, Ketchup Eusebio, John Lapus, Nonie Buencamino, Ana Abad Santos, Meann Espinosa, Victor Silayan, Bianca De Vera, at Bong Gonzales.
Ito’y mula sa direksyon ni Petersen Vargas at showing na sa mga sinehan nationwide simula sa August 14.