Jennylyn, Dennis may sarili nang production company: Lezggooo!
PHOTO: Instagram/@mercadojenny
MASAYANG ibinandera ng celebrity married couple na sina Jennylyn Mercado at Dennis Trillo ang bagong journey nila sa showbiz industry.
Nagkaroon na kasi sila ng sariling production company na ang tawag ay Brightburn Entertainment.
Ang exciting news ay proud na ibinida ni Jennylyn sa kanyang Instagram account.
Makikita sa post ang ilang litrato na tila pasilip ng mag-asawa sa kauna-unahan nilang official meeting nila as producers.
“After 20 years in the industry, Dennis and I are trying on new hats, this time as producers, as we formally put up our own production company called Brightburn Entertainment,” masayang caption ni ng celebrity mom.
Baka Bet Mo: Jennylyn ibinunyag na ‘first love’ niya si Dennis, never nagka-‘third party’
Wika pa niya, “We are very excited for this and just want to share with you these photos, our first ever official meeting as a team with no less than Netflix Philippines.”
Lubos din siyang nagpasalamat sa ilang staff ng nasabing streaming service dahil nabigyan sila ng pagkakataon.
“Thank you so much po sir Vitto, Bene and Luis for spending some time with us and for discussing opportunities we can explore in the future. Looking forward to working with all of you!” sambit niya.
Ibinunyag din ng aktres na naging business partners na niya ang talent managers na sina Katrina Aguila, Jan Kristoff Enriquez at Becky Aguila.
Ani ng misis ni Dennis sa dulo ng kanyang IG post, “Watch out for Brightburn Entertainment!”
View this post on Instagram
Sa comment section, maraming fellow celebrities ang nagulat at natuwa sa bagong venture ng celebrity couple.
Kabilang sa mga nagpaabot ng “congratulatory” messages sina Michelle Dee, Shaira Diaz, Jackie Lou Blanco at Lovely Abella.
Magugunitang recently lamang ay tila nasangkot sa isyu kung saan naging usap-usapan ang paglipat umano niya sa Kapamilya network.
Pero agad naman itong pinabulaanan ng kanyang talent management at sinabing: “Jennylyn is a loyal artist of GMA and will always remain loyal for as long as her mother network wants her to stay.”
Ang kumalat na chika ay nagsimula nang mapansing hindi kasali si Jennylyn sa station ID ng GMA network.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.