Pia Wurtzbach all-out support sa pagsali ni Ariadna Gutierrez sa reality show
Pia Wurtzbach, Ariadna Gutierrez
NAGPAKITA ng all-out support si Miss Universe 2015 Pia Wurtzbach para sa fellow beauty queen na si Ariadna Gutierrez na sumali sa reality competition na “La Casa de los Famoso.”
Ito ay ibinandera niya mismo sa Instagram at kasabay niyan ay hinikayat din ni Pia ang fans na suportahan din ang kanyang ka-batchmate sa Miss Universe pageant.
“[By the way], wanted to talk about something with you guys. I need your help with this,” panimula niya.
Chika niya sa broadcast channel, “So Ariadna is in a competition right now. It’s called ‘La Casa De Los Famosos’.”
Ayon sa beauty queen, ang nasabing reality competition ay tila katumbas ng reality TV series na “Big Brother.”
Baka Bet Mo: Pia Wurtzbach, Ariadna Gutierrez nagkita uli, 8 years matapos ang kontrobersiya sa Miss Universe
“…She’s up for elimination this week. [Voting] is free and can be done anywhere in the world,” patuloy ni Pia.
Paliwanag pa ng Miss Universe 2015 titleholder, “Gusto ko siyang tulungan. Kaya niyang ipanalo ito e. Pakita natin sa kanya that we support her.”
Sinabi rin ni Pia na nakakausap niya ang manager ni Ariadna at nangako siya rito na susuportahan niya ang Colombian beauty queen.
PHOTO: Screengrab from Instagram/@piawurtzbach
Magugunita noong September last year nang muling magkita ang dalawa sa isang fashion event sa Paris.
“The reunion you’ve all been waiting for,” sey ni Pia matapos ang kanilang pagtatagpo afte 8 years.
Kung matatandaan, naging kontrobersyal ang crowning moment ng dalawang beauty queen sa Miss Universe pageant noong 2015.
Ito ‘yung panahon na nagkamali ang event host na si Steve Harvey sa pag-announce ng nanalong kandidata.
Ang unang binanggit na nagwagi ng Miss Universe crown ay si Ariadna, ngunit makaraan ang ilang minuto ay bumalik si Steve sa entablado upang aminin na mali ang kanyang nabasa at sinabi na si Pia ang tunay na nakakuha ng nasabing titulo.
Dahil sa insidente, marami ang nabigla at nagulat maging ang dalawang beauty queens.
Ang koronang suot-suot na ni Ariadna ay muling kinuha sa kanya at inilipat sa pambato ng ating bansa.
Si Pia ang ikatlong Pinay na nakapag-uwi ng Miss Universe title kasunod sina Gloria Diaz (1969) at Margie Moran (1973).
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.