Kathryn sa bonggang 28th birthday: ‘Thank you for making this my happiest!’
PHOTO: Screengrab from Instagram/@bernardokath
PARA sa box-office queen na si Kathryn Bernardo, ang bonggang party niya recently ay ang pinakamasayang kaarawan niya so far.
Ito ang inihayag mismo ng Kapamilya actress sa kanyang latest Instagram post, kalakip ang isang reel na ibinabandera ang masasayang moments ng pagdiriwang ng kanyang 28th birthday na ginanap sa isang yate habang nasa El Nido, Palawan.
“What a day! [I] didn’t want it to end,” pag-amin ni Kath.
Sey ng aktres, “[I’m] keeping these moments in my core memory forever.”
“Thank you for making this my happiest birthday to date. Cheers to 28!” ani pa niya sa post.
Baka Bet Mo: Dolly kay Kathryn: ‘I was so nervous to meet her…at nalaman ko na hindi lang pala siya mabait, cool at creative pa’
View this post on Instagram
Noong March 26 nang mag-celebrate si Kath sa Isla Amara sa Palawan kung saan siya’y part-owner kasama si Piolo Pascual.
Maliban sa pamilya, present sa kanyang special day ang ilang malalapit na kaibigang artista.
Kabilang na riyan sina Alden Richards, Robi Domingo, Jericho Rosales, Joshua Garcia, Kakai Bautista, Lovely Abella, Maymay Entrata, at marami pang iba.
“Salamat sa napakaganda mong ngiti bai, sobrang masaya akong nakikita kang masaya! Mahal ka namin bai!!!” saad ni Maymay sa comment section.
Wika naman ni Arisse ang isa sa mga non-showbiz friends niya, “So happy to see you happy. What a celebration, love!!!”
Sa hiwalay na IG post, ibinandera naman ng ina ni Kath na si Mommy Min ang kanyang sweet birthday greeting.
Nagpasalamat siya sa anak sa pagiging matatag sa kabila ng mga pagsubok na pinagdaanan.
“Shout out to you, my daughter. You haven’t felt okay lately, but you get up every day and refuse to quit,” caption ni Mommy Min sa post.
Lahad pa niya, “[I] really appreciated your desire to talk and share your problems, ideas, and opinions, and very much appreciated how you consider the guidance of our family in every step of the way.”
View this post on Instagram
Samantala, bumati rin ang ex-boyfriend at dating love team partner ni Kath na si Daniel Padilla.
Sa pamamagitan ng IG Story, ibinahagi ni Daniel ang isang blurred photo na may caption na “Happy birthday to you,” na nakasulat sa Japanese.
Matatandaang November last year nang kumpirmahin ni Kathryn na totoong hiwalay na sila ni Daniel makalipas ang 11 years.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.