Mariel Padilla binatikos matapos magpa-IV drip sa Senado
USAP-USAPAN ngayon ang dating “Pinoy Brother” host na si Mariel Padilla matapos mag-viral ang kanyang larawan habang nagpapa-IV drip.
Marami sa mga netizens ang hindi nagustuhan ang ginawa ng asawa ni Senador Robin Padilla kung saan ibinandera pa nito ang pagpapa-drip habang nasa opisina ng senador.
“Drip anywhere is our motto! Hehehe i had an appointment… but i was going to be late so i had it done in my husband’s office hehe,” pagbabahagi ni Mariel.
Dagdag pa niya, hindi raw siya nagmimintis ng pagpapa-drip dahil sa umano’y benepisyo nito sa katawan.
“[I]t really helps in soooo many ways A collagen production, whitening, energy, metabolism, immunity and 50000 much more!!! So convenient and really effective H magaling talaga!!!!” sabi pa ni Mariel.
Pero hindi nakalagpas sa mga mata ng netizens ang maling gawi nito na magpa-IV drip sa Senado at ipinost pa sa social media.
Baka Bet Mo: Mariel Padilla hindi alone sa bakasyon sa France, nakipag-bonding sa ama at kapatid
View this post on Instagram
Sa isang video naman na ipinost ng brand ng IV drip na ginagamit ni Mariel, ibinahagi niya na ang kanyang pagpunta sa Senado ay bilang pagsuporta sa pagsasabatas ng Eddie Garcia Bill.
Chika pa ng asawa ni Robin, “Look at what I’m doing. Drip [in lang] sa Senado. Kasi dapat consistent tayo sa vitamins na nilalagay natin sa katawan.”
Kaya naman agad ring umani ng samu’t saring reaksyon mula sa madlang pipol ang naturang post ni Mariel.
“No decency in the senate. Is this the type of imagery you want to convey to the Filipino public?” saad ng isang netizen.
Comment naman ng isa, “Looks like Mariel Padilla has not experienced working in an office whether private or public. Nobody does that. And seriously what she’s promoting is a public health concern given that she’s doing that amidst the backdrop of the official seal of the Senate of the Philippines.”
“Yan pala yung post. Naknang tokwa. Nagpa gluta drip sa opisina si Sen. Robin?! Ginawang clinic ang senado,” sey pa ng isa.
Samantala, burado na sa Instagram page ni Mariel ang naturang IV drip session post.
Sa ngayon ay wala pa namang inilalabas na pahayag ang kampo ng asawa ni Sen. Robin Padilla ukol sa isyung kinakaharap.
Bukas naman ang BANDERA para sa paglilinaw ni Mariel ukol rito.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.