Max Collins tutol sa muling pagsali ni Michelle Dee sa MUPH, bakit kaya?
Max Collins, Michelle Dee
SA kauna-unahang pagkakataon, nagkasama sa isang show ang mag-bestfriends na sina Michelle Dee, Rhian Ramos at Max Collins!
Na-interview ang tatlo sa programang “Fast Talk with Boy Abunda” at isa sa mga nausisa sa kanila ay ‘yung muling pagsali ni Michelle sa Miss Universe Philippines.
“When Michelle decided to join Miss Universe, may kontra na boses?” tanong ng King of Talk na si Boy Abunda.
Umamin agad si Max na kinokontra niya ito at inamin na nag-alala siya sa kaibigan dahil pinagsasabay ni Michelle ang pageantry at acting career.
“Ako kumontra ako because at the time I could see that she’s so stressed baka it’s not, kasi pinagsabay niya ‘yung show at the same time ‘yung pageant,” sey ni Max.
Baka Bet Mo: Michelle Dee sinita ni Geneva Cruz sa pagsuot ng PAF military uniform
Patuloy niya, “So sabi ko I feel like kailangan mo mamili. Hindi pwedeng dalawa, that was my two cents. Nagkamali ako.”
Nilinaw din ni Michelle na hindi lang naman si Max ang against sa kanyang pagsali sa MUPH, may ibang mga kaibigan din daw siya na kumokontra na.
Kwento ng 2023 Miss Universe PH representative, “They witnessed the struggle and the heartbreak that I went through from the previous year when I didn’t bring home the crown so of course out of their love for me.”
“It wasn’t just Max who were making me second-guess my desire to join again, but a lot of people who were important to me, like I trust the opinion of, we’re really making me think twice,” paliwanag niya.
Kung matatandaan, noong November 25 nang nakauwi na sa Pilipinas si Michelle makalipas ang isang buwan sa El Salvador para sa Miss Universe competition.
Nagtapos siya sa Top 10 finalists ng nasabing international pageant, pero apat na special awards ang naiuwi niya – ang Spirit of Carnival Award, Miss Universe’s fan vote, Voice for Change gold award at Best National Costume.
Bago pa tanghalin bilang Miss Universe Philippines 2023 si Michelle ay nauna siyang koronahan bilang Miss Universe Philippines-Tourism noong 2022 kung saan ang nag-reyna that time ay si Celeste Cortesi.
Matatandaan din na si Michelle ang nagwagi ng Miss World Philippines noong 2019.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.