Ivana Alawi
IBINANDERA ng Kapamilya sexy actress at content creator na si Ivana Alawi na masaya at makulay ang kanyang lovelife ngayon.
Kung noon ang palagi lamang nababanggit ni Ivana ay nasa “dating” stage pa lang siya, ngayon ay maligayang-maligaya raw ang kanyang puso.
Yes, in love na in love sa kanyang boyfriend ang leading lady ni Coco Martin sa Kapamilya series na “FPJ’s Batang Quiapo” at umaasa siya na sana’y natagpuan na niya si Mr. Right.
“My heart is happy. Ayaw ko namang sabihin na super happy kasi siyempre start pa lang so, happy,” ang pahayag ni Ivana sa panayam ng ABS-CBN.
Walang ibinigay na identity ng guy ang dalaga, “Non-showbiz. Selosa kasi ako. So hindi magwo-work kapag showbiz.
“Saka magulo. Gusto ko ng private relationship,” sey pa ng aktres at vlogger.
Baka Bet Mo: Ivana luma-lovelife na: ‘I’m seeing someone, my heart is happy’
Ano nga ba ang mga qualities ng dyowa niya na talagang nagustuhan niya? “Alam mo ang nagustuhan ko? Wala siyang kayabang-yabang.
“Saka, kasi ang number one na nakaka-turnoff sa akin ‘yung mayabang. Ayaw ko ng ganu’n.
“And super blessed and happy. Feeling ko, malapit na, pwede nang mag-asawa. Ha-hahaha! Char!” ang chika pa ni Ivana.
Baka Bet Mo: Ivana: Kung may nilabag akong batas, eh di kasuhan na lang nila pero lalaban ako
Ayon sa dalaga, baka raw mag-settle down na siya pagtungtong niya ng edad 30, 27 years old daw siya ngayon kaya may three years pa siya sa pagiging single lady.
Sa isang hiwalay na panayam, sinabi ni Ivana na ayaw niya ng dyowang foreigner, “Ang bet ko talaga ay Pinoy. Pinoy talaga! Hindi ko kailangan ang sobrang yaman. Hindi manloloko, alam mo, very basic. Tsaka sana non-showbiz.
“Of course, it’s important, kailangan siya pumasa sa Mommy ko. Well, hindi lang sa mom ko but also with my whole family. And advice ng mom ko ay ‘wag kang laging magmadali and ‘wag mo ibigay ang lahat,” aniya pa nang matanong about her ideal man.