ANGEL imposibleng makipagbalikan kay PHIL; matindi ang naging ‘AWAY’

NANGHIHINAYANG pa rin kami sa kinahinatnan ng relasyon nina Angel Locsin at Phil Younghusband, tulad ng kanilang mga kapamilya at mga kaibigan, umasa kaming sila na nga ang magkakatuluyan sa huli.

Walang sinabing dahilan sina Angel at Phil sa biglaang break-up, pero anila naghiwalay daw sila nang maayos at mananatiling magkaibigan. Nauna nang nagsalita ang Kapamilya aktres (sa Twitter/Instagram) na mutual decision ang kanilang paghihiwalay kasabay ng paghingi ng paumanhin sa kanilang mga fans na nalungkot sa nangyari.

Sumunod namang nag-post ng kanyang saloobin si Phil tungkol sa issue sa kanyang Instagram account, aniya, “Hi everyone, in lieu of the separation, I would like to thank you for all your support throughout our relationship.

“It was definitely a happy one, as much as we tried to make it work we would just like to request for all of you to support us in our choice and that we respect one another in keeping our personal lives to ourselves.

“I personally apologize for (not) taking time to let everyone know about the situation. I am grateful for your support and we hope you continue to support both of us in our each of our endeavors,” hirit pa niya.

“Although we have parted as a couple, we are thankful that we remain friends and we only wish the best for each other. Thank you very much for your support,” ayon pa sa football player.

Sey pa ni Phil, ang paghihiwalay daw ang best choice para sa kanila ni Angel para mapanatili ang kanilang friendship, “There are no faults in this, it was not an issue of who did or didn’t do something, it was a mutual decision and although it was difficult we just both felt that this would be the best thing to do given our circumstances.”

Kung ang pagbabasehan ay ang mga naging pahayag ni Phil, mukhang malalim nga ang pinag-ugatan ng break-up nila ni Angel, at kahit hindi aminin ng dalawa, hindi maiaalis na isipin ng kanilang mga fans na may nangyaring hindi maganda sa kanilang pagsasama.

Nu’ng dinalaw namin ang Comedy Queen na si Ai Ai delas Alas sa taping ng Toda Max nakita namin si Angel pero nakiusap siya na huwag na munang pag-usapan ang tungkol sa kanila ni Phil, pero ramdam namin ang kalungkutan niya nang yakapin niya kami nang mahigpit.

Naniniwala kami na walang third party involved sa part ni Angel, hindi lang kami sure kay Phil. Wala naman kasing history si Angel na nakipag-break sa boyfriend dahil nakakita siya ng ibang lalaki.

At kung kilala nga namin ang Kapamilya leading lady, wala na ring balikang magaganap sa kanila ng football player dahil natatandaan namin sa mga past interview ng aktres, wala talaga siyang binabalikang ex.

( Photo credit to Google )