DonBelle fans talbog ang mga imbestigador sa pagtutok sa Can’t Buy Me Love
Donny Pangilinan at Belle Mariano
EXCITED na sina Donny Pangilinan at Belle Mariano sa mga dapat abangan ng manonood sa “Can’t Buy Me Love” lalo pa’t mas makikilala na ng kanilang karakter ang isa’t isa.
“It’s been a whirlwind of emotions. Ang dami na ng mga nangyari. I’m still adjusting sa teleserye life.
“But kahit paano worth it ang pagod since nakikita namin na natutuwa ang viewers sa story. It’s really exciting na our characters CarGo and the love story is about to unfold more,” sey ni Donny.
Bukod din sa kilig na hatid ng bawat episode ng pinag-uusapang kuwento ng “Can’t Buy Me Love”, isa pa sa dapat abangan ang pagkikita ng pamilya Tiu at ng kanyang community sa Tenament.
“It’s nice to see the Tiu family and the Team Binondo here in one set since our worlds are colliding na. Nu’ng unang episodes kasi magkalayo pa so exciting yung mga darating na eksena kasi mas nagiging intense na,” chika pa ni Donny.
Nagpapasalamat naman si Belle sa suporta ng kanilang fans lalo pa’t nakikita niya kung paano tinututukan ang manonood ang bawat detalye at rebelasyon na kanilang malalaman sa buhay nina Bingo (Donny) at Caroline (Belle).
View this post on Instagram
“Para silang mga imbestigador sa totoo lang. Kaya nilang i-predict kung ano yung mangyayari sa story and natutuwa kami na minsan tama yung predictions pero minsan parang, ‘ay mali ka d’yan.’
“Marami pang mangyayaring katulad niyan in the future. Sobrang kaming natutuwa sa feedback n’yo.
Baka Bet Mo: Donny shookt sa mga rebelasyon ni Belle sa bago nilang serye: ‘Ibang klase! Ang galing!’
“Kami rin katulad din namin sila na talagang aabangang kung what’s going to happen next,” pagbabahagi pa ng young actress.
Sa ngayon, parehas na hinahanap nina Caroline at Bingo si Charleston (Albie Casino) lalo pa at may motibo ito sa pagpatay kay Edward (Enzo Pineda). Hanggang ngayon kasi ay misteryo sa lahat kung sino ba ang talagang pumatay kay Edward.
Huwag palampasin ang trending episodes ng “Can’t Buy Me Love” sa Kapamilya Channel, Kapamilya Online Live, A2Z, Jeepney TV, TFC IPTV, at TV5.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.