Miss Universe El Salvador humingi ng sorry sa viral ‘Top 5’ post: Our mistake!
HUMINGI ng paumanhin ang Miss Universe El Salvador ukol sa kontrobersyal na Top 5 finalists sa nagdaang Miss Universe 2023.
Ilang araw matapos ang ika-72nd edisyon ng prestihiyosong international pageant ay naglabas ng official statement ang naturang organisasyon sa nangyaring mix up sa art card na kanilang inilabas sa mga kandidatang pasok sa Top 5.
Sa latest post ng Miss Universe El Salvador sa Instagram ay inamin nilang may pagkakamali sila sa inilabas na artcard.
“Our mistake! In the rush to get our posts up during Saturday’s live broadcast, we accidentally mixed up the names of two finalists.
“This was a simple error of moving too fast – we heard the same results live at the same time that you all did, no special access over here! We’re sorry to both finalists,” lahad ng Miss Universe El Salvador.
Matatandaang agad na nag-viral sa Pilipinas ang screenshot mula sa kanilang Instagram post noong Linggo, November 19, matapos makitang in-upload nila ang artcard kung saan makikitang nasa Top 5 ang pambato ng Pilipinas na si Michelle Dee.
Baka Bet Mo: Michelle Dee nasa El Salvador na, enjoy na enjoy na naki-’mingle’ sa mga kandidata ng Miss Universe
View this post on Instagram
Ngunit makalipas ng ilang minuto ay binura ng mga nagma-manage ng social media page ng Miss Universe El Salvador ang artcard at napalitan na ng “updated version” kung saan ang pambato na ng Thailand ang naroroon at wala na si Michelle.
Sa kabila naman ng paghingi ng tawad ng organisasyon ay marami pa rin sa mga netizens ang tila may sama pa rin ng loob sa naging resulta ng Miss Universe 2023 at tinawag itong “cooking show”.
“This is not a mistake. The names ‘Philippines’ and ‘Thailand’ cannot be mistaken for one and the other; even the photos of the candidates cannot be interchanged as a ‘mistake’. Please don’t make another mistake by perpetuating a lie that is so blatant,” komento ng isang netizen sa IG post ng Miss Universe El Salvador.
Saad naman ng isa, “It’s not that easy to move on, especially if our representative performed well in the competition, and we knew for a fact that she deserved to be in the Top 5. You know what hurts? Our country sent someone who poured a lot of sweat and blood but yet was underrated.”
“Awit sa inyo El Salvador. Cooking show at its finest,” sey naman ng isa.
Nitong Sabado, November 18, ginanap ang coronation night ng 72nd Miss Universe kung saan nagtapos ang journey ni Michelle bilang Top 10 finalist.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.