Gabby Concepcion, KC Concepcion at Sharon Cuneta
SIGURADONG may masasabi na namang masama at kanegahan ang mga haters ng actress-TV host na si KC Concepcion sa bagong rebelasyon niya tungkol sa kanyang parents.
Nabanggit kasi ng dalaga na noong bata pa siya ay lagi niyang wini-wish kay Santa Claus na magkabalikan sana ang kanyang mga magulang na sina Megastar Sharon Cuneta at Gabby Concepcion.
Siyempre, super bagets pa siya noon at ito yung mga edad na naniniwala pa ang mga bata na totoo si Santa at lahat ng hinihiling sa kanya ay maaaring magkatotooo basta’t magpakabait lamang ang mga ito.
Pahayag ni KC sa kanyang YouTube vlog, “They split up when I was a toddler. I would ask Santa Claus to, you know, hopefully bring them back together because I so wanted to have a complete family and I knew that they loved each other.
“But it never worked out, you know, and that’s okay,” chika pa ng aktres at negosyante.
May mga netizens kasi ang nam-bash kay KC kamakailan dahil hanggang ngayon daw ay umaasa pa siyang mabubuo ang kanilang pamilya.
Ito’y nang aminin niya sa publiko na super happy siya sa muling pagsasama sa isang project nina Sharon at Gabby na nangyari nga last Friday sa SM MOA Arena, ang super successful at trending na “Dear Heart” concert.
Sabi ni KC na naging bahagi rin ng makasaysayang, “Never in my wildest dream did I think that I would still be able to experience sharing moments with the two of them together. Laughing, smiling, talking.”
Inamin din ng dalaga na hindi talaga naging friends ang kanyang parents matapos maghiwalay ang mga ito.
“I don’t really remember them being friends, growing up, so I never really thought that it would ever be possible to see them in one place, on good terms, good vibes. I just never really thought that it would ever happen again,” pahayag pa ng dalaga.
Kaya naman hinding-hindi raw niya malilimutan ang “momentous moment” nina Mega at Gabby last October 27 kung saan ilang beses naging emosyonal si Ate Shawie.
Pero knows n’yo ba na totoo palang nagdalawang-isip si KC na tanggapin ang offer sa kanya ng production team ng “Dear Heart” na magkaroon ng special participation sa reunion concert ng kanyang mga magulang dahil hindi pa siya ready to share the stage with them.
“When I was reading the script, parang mangiyak-ngiyak talaga ako kasi ang dami kong hindi alam about their love team and professional life.
“Para akong kinakabahan dahil hindi lang siya show for me, it’s my life. I’m so happy that the Lord gave us this time to reconnect, to forgive, and to really be able to turn a negative situation around to something inspiring,” aniya pa.
Sa kanyang Instagram post naman after the concert, ito ang kanyang mensahe, “Last night was a fairytale come true.
“Thank you Lord sa pagkakataong ito na ma-experience ang once-in-a-lifetime reunion ni Mama and Papa…Along with 25,000 of you live at the arena! (star emojis).
“Sorry for not sharing live updates last night (white heart emoji).
“I savored every second of the night that will forever be etched in my #DearHeart [heart hands emoji] Thank you all for your love!”