‘Thrill Fest’ ibabandera ang director’s cut ng ‘The Exorcist’, ilang bagong horror movies
‘Thrill Fest’
HANDA na ba kayo sa Halloween?
Nako, tila nagparamdam na sa panahon ng kababalaghan ang Ayala Malls Cinemas kung saan naglunsad na sila ng tinatawag na “Thrill Fest.”
Tampok sa nasabing pagdiriwang ang ilang bagong horror movies ngayong taon.
Kabilang sa lineup ang must-see thrillers na “The Forbidden Play,” “Target,” “Beetlejuice” at “Five Nights at Freddy’s.”
Kasabay niyan ay ipinagdiriwang din ang ika-50th anniversary ng iconic horror film na “The Exorcist.”
Dahil diyan, ipapalabas din sa “Thrill Fest” ang director’s cut na kinuha mula sa orihinal na 1973 cut camera negative na may bagong restored at remastered na larawan at tunog – inaalis ang dumi, gasgas, at iba pang depekto, habang pinanatili ang orihinal na pelikula.
Kung maaalala, ang classic horror movie ay gumawa ng kasaysayan bilang kauna-unahang horror film na nominado para sa “Best Picture” sa Oscars, at nagwagi ng “Best Adapted Screenplay” at “Best Sound.”
Baka Bet Mo: Pelikulang ‘Lost in the Stars’ may hatid na kakaibang suspense
Ang pagpapalabas ng director’s cut ay bilang pagpupugay sa yumaong direktor ng pelikula na si William Friedkin na pumanaw noong August 7 sa edad 87.
At speaking of “The Exorcist”, may panibagong chapter na rin pala ito na pinamagatang “The Exorcist: Believer” at ito ay nakatakdang ipalabas sa darating na October 4.
“At Ayala Malls Cinemas, horror enthusiasts can enjoy the experience with state-of-the-art features, including 4DX theaters with magical motion seats for a fully immersive movie experience,” saad sa pahayag ng Ayala Malls Cinemas.
Anila, ang mga manonood ng limang pelikula mula sa six movies ng “Thrill Fest” lineup ay bibigyan ng isang libreng movie ticket.
“Ayala Malls Cinemas continue to treat its patrons this Halloween season with a free movie ticket to those who have watched five out of the six movies in the Thrill Fest lineup,” saad pa.
Nag-umpisa na ang nasabing festival at magtatagal ito ng hanggang November 1 sa Ayala Malls Cinemas.
Tingnan ang buong mechanics at karagdagang impormasyon sa www.sureseats.com at i-follow ang @ayalamallscinemas sa Instagram at Facebook.
Related Chika:
Horror game na ‘Five Nights at Freddy’s’ mananakot na rin sa big screen sa Nov. 1
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.