Kim Chiu at Maja Salvador
SINAGOT ng “It’s Showtime” host na si Kim Chiu ang lahat ng tanong sa kanya during her latest vlog sa Youtube channel niya.
Walang inurungang tanong si Kim, maging ang tanong kung bakit wala siya sa kasal ni Maja Salvador ay sinagot din niya.
“Hindi naman kami sobrang close na ni Maja and hindi naman kami masyadong nag-uusap.
“Siyempre, kapag kasal mo gusto mo ‘yung mga taong gusto mo lang na nandidiyan to witness your love sa partner mo.
“Hindi ako naimbita pero okay lang. Wala talaga. Sobrang happy ako para sa kanya. Minessage ko naman siya and na-touch naman ako noong minessage niya ako dahil doon sa nangyari sa ate ko.
“Sabi niya, pinagpe-pray niya ang ate ko and sana daw ay okay ako. Nakausap ko siya noong may nangyari sa ate ko,” paliwanag niya.
May naging issue kina Maja at Kim. Dati kasing dyowa ni Kim si Gerald Anderson. Nagulat na lang siya nang malamang BF na ni Maja ang aktor. Sa isang presscon ng pinagbidahan nilang “Ina, Kapatid, Anak”, nagpatutsadahan ang dalawa.
Baka Bet Mo: Coco nagparamdam kay Maja: Sobrang ganda at sexy niya ngayon, tapos walang boyfriend!
Sa tanong kung ano ang ginagawa niya para hindi siya tamarin na mag-workout, ito ang sagot ng dalaga, “Halos everyday talaga ako nagwo-workout. Four to five times a week ako nagwo-workout.
“Iyon talaga ang pangsimula ko ng araw ko kasi sa Showtime super, super high energy. Bawal ‘yung walang energy. So, doon ko talaga sinisimulan ang araw ko. Pina-pump out ko talaga.
“Ito ‘yung napansin ko. First 10 to 15 minutes, utak mo ‘yung magsasabi na ‘wag, tinatamad ka, pagod ka. Pero kapag nalagpasan mo ‘yung 10 to 15 minutes, ‘yun na ‘yung medyo didire-diretso ka na.
“Tatamarin ka lang talaga ng 10 minutes or tatamarin kang magsimula kaya ‘pag gising mo, suotin mo na ‘yung pang-workout mo, magkape ka for 10 minutes. After noon, gising ka na and ready ka na mag-workout,” dagdag pa niya.
When asked kung gusto niya rin na maging ina in the future, oo ang sagot ng dyowa ni Xian Lim.
“As a mother, oo naman. Siguro naman ay darating tayo sa punto ng buhay natin. Saka karamihan naman sa mga babae ay yun talaga ang pangarap nila, maging mother. Hindi pa nga lang siguro para sa akin today kasi nagba-vlog pa kasi ako, eh. Ha-hahaha,” say niya.
Maja tinanggihang makatambal si Gerald sa ‘Init Sa Magdamag’, respeto lang daw kay Rambo