BTS Suga ready na sa military service, sisimulan na ang ‘enlistment’ sa September 22

PHOTO: Instagram/@augustd

ISA nanamang miyembro ng K-Pop sensation na BTS ang magsisimula sa kanyang mandatory military service sa South Korea.

Ayon sa inilabas na pahayag ng music label na Big Hit Music, nakatakdang simulan ng Korean rapper na si Suga ang kanyang pagsabak sa enlistment sa September 22.

Magugunita noong September 17 nang kumpirmahin ng nasabing music label ang enlistment ni Suga kung saan sinabi din nila na hindi na magkakaroon ng official events bago pumasok sa military ang Korean idol.

Panawagan pa ng Big Hit, “We kindly ask fans to refrain from visiting Suga at his workplace during the period of his service.”

“Please convey your warm regards and encouragement in your hearts only,” saad pa sa pahayag.

Baka Bet Mo: BTS members na tinamaan ng COVID-19 nagpaalala sa mga fans: Don’t worry too much

Dagdag pa, “Furthermore, please be mindful to avoid getting adversely affected by unauthorized tours or package products that illegally use the artist’s intellectual property.” 

“Our company will take appropriate measures against attempts at any commercial activity that make unauthorized use of artist IP,” anila.

Tiniyak din ng music label na bibigyan pa rin ng all-out support si Suga kahit nakapasok na siya sa serbisyo.

Para sa mga hindi pa masyadong aware, si Suga ang ikatlong BTS member na nakapag-enlist ng mandatory military service.

Nauna sa kanya ang pinakamatandang miyembro na si Jin na nag-umpisa pa noong Disyembre, at sumunod naman si j-hope noong Mayo lamang.

Kung matatandaan, nag-debut si Suga noong June 2013 bilang lead rapper ng Korean pop supergroup BTS.

Nitong Abril naman ang kanyang official solo debut kung saan nag-release siya ng album na may titulong “D-Day” gamit ang alias na August D.

Related Chika:

BTS Suga bagong ‘global ambassador’ ng NBA

Jane naiyak nang isuot na ang Darna costume: Totoo na po ito, hindi na prank!