Donny Pangilinan at Belle Mariano
KAHIT ilang beses na silang nagkatrabaho ni Donny Pangilinan, inamin ni Belle Mariano na inaatake pa rin siya ng matinding nerbiyos sa tuwing sasalang na sila sa harap ng mga camera.
Excited na ibinalita ni Belle sa milyon-milyong DonBelle fans all over the universe na nagsimula na silang mag-taping ni Donny para sa first primetime series nila sa ABS-CBN na “Can’t Buy Me Love.”
“We’re actually taping na. Grabe, it was so fun. Parang na-miss ko yung ganu’ng vibe sa set na talagang direk and I were just talking about that, my character, ‘Okay, what do you want sa character mo? What do you want to make the audience feel?’” ang pahayag ni Belle sa panayam ng ilang members ng entertainment media sa isang event last August 16.
Pagpapatuloy pa ng dalaga sa pinakabago nilang acting project ni Donny, “Actually, I’ve been looking forward to do this teleserye, something ever since talaga I’ve been wanting to do. I’ve been wanting to lead a teleserye ever since, and I’m so glad that I am able to do that.
“Siguro I’d love to explore more genres, siguro or horror naman, action, maybe dip my toes into those type of roles,” sabi pa ng young actress.
At kahit na nga raw ilang beses na silang nagkatrabaho ni Donny kabilang na riyan ang unang digital romcom series nilang “He’s Into Her” ay hindi pa rin nawawala ang kanyang kaba kapag sasalang na sila sa eksena.
“Of course, there is. Hinsi maiiwasan ‘yun, siyempre kabado ako. It’s so different this time. I even told direk na amongst all the characters I portrayed, this one is, like, really different, has a different level of maturity.
“I’m very excited to see that side naman na mapapakita sa mga tao. Yes, of course, there are challenges, but it’s a good challenge. I love the challenge,” pag-amin ng aktres.
Samantala, talagang kinarir daw ni Belle ang pagre-research sa kanyang karakter bilang isang rich Chinese girl sa “Can’t Buy Me Love.”
“Yeah, actually, I love learning about their culture. I think ‘yun yung parang ginawa nga namin ng version, like nag-aaral kami ng feng shui, mga ganyan.
“It’s super fun kasi sobrang iba talaga niya sa roles na ginawa ko before. I think what I can say is my character is very empowered,” chika pa ni Belle.
Ang “Can’t Buy Me Love” ay mula sa direksyon ni Mae Cruz mula sa Star Cinema at ABS-CBN Productions.
“This has always been a dream of mine. Growing up, I used to watch primetime seryes. To be able to do one with Direk Mae and Donny makes me so excited,” sey pa ni Belle sa isang panayam.
“It was something we both prayed about, and we can’t imagine na ito na ‘yun. We are really starting it,” pahayag naman ni Donny tungkol sa bago nilang teleserye.
Paolo inatake ng nerbiyos sa ‘Bubble Gang’ revamp; mas maraming pasabog sa bagong version