Bretman Rock, Maricel Soriano, Anne Curtis, Gloria Diaz guest judge sa ‘Drag Race PH’ season 2
PHOTO: Screengrab Twitter/@dragraceph
NI-REVEAL na ng reality competition na “Drag Race Philippines” ang guest judges para sa season 2!
Kabilang na riyan ang Filipino-American internet star na si Bretman Rock, tinaguriang Diamond star na si Maricel Soriano, Kapamilya TV host-actress na si Anne Curtis at ang batikang aktres na si Gloria Diaz.
Bukod sa kanila, magiging hurado rin ang Thai drag queen na si Pangina Heals, Socialite Tessa Prieto, comedienne-actress na si Kim Molina, pati na rin sina Almira at Mylene Cercado ng P-Pop group na 4th Impact.
Naipakita rin sa video ang ilan pang bigating personalidad na nasa judges’ panel kagaya nina Jiggly Caliente, actress-broadcaster KaladKaren, Jon Santos, Rajo Laurel at BJ Pascual.
Baka Bet Mo: Bretman Rock gustung-gusto nang bumalik uli ng Pinas: ‘I miss being home…take me back now!’
Ang special appearance ng mga bigating celebrities ay inanunsyo mismo ng reality drag competition sa pamamagitan ng “supertrailer” na ibinandera sa Twitter noong July 28.
Mapapanood din sa naturang pasilip na ang magsisilbing host ng show ay si Paolo Ballesteros.
BOOGSH! 🏁💕 The supertrailer for #DragRacePH Season 2 is OUT NOW: https://t.co/a71onwpINb@DragRacePH S2 + Untucked premiere August 2nd ☀️ Use code: PHILIPPINES for 20% off your 1st month: https://t.co/OH56BgrF0X
🇵🇭 @wowpresentsplus + @hboasia
🌎 @wowpresentsplus worldwide pic.twitter.com/xpAXAijXA1— Drag Race Philippines (@dragraceph) July 28, 2023
Ang labindalawang drag queens na maglalaban-laban sa ikalawang season ng kompetisyon ay sina Arizona Brandy, Astrid Mercury, Bernie, Captivating Katkat, DeeDee Marié Holliday, Hana Beshie, Matilduh, M1ss Jade So, Nicole Pardaux, ØV C–T, Tiny Deluxe at Veruschka Levels.
Ang bagong kabanata ng “Drag Race Philippines” na base sa Emmy-winning “RuPaul’s Drag Race” ay mapapanood simula August 2.
Kung maaalala, si Precious Paula Nicole ang first-ever drag race superstar ng nasabing show na ipinalabas noong Oktubre ng nakaraang taon.
Related Chika:
‘Natatawa ako sa sarili ko kasi kapag may nagre-Regine nako-confuse na ‘ko!’ – Songbird
Pinoy internet star Bretman Rock may ‘alay’ sa lahat ng batang beki sa Pinas
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.