HINDI nagustuhan ng kolumnistang si Cristy Fermin ang paraan ng pagsagot ng basketbolistang si Ricci Rivero ukol sa mga katanungan hinggil sa kanila ng dating karelasyong si Andrea Brillantes.
Matatandaang kamakailan ay nag-guest ito sa “Fast Talk With Boy Abunda” kung saan naglahad ito ng mga detalye ukol sa kanilang relasyon na nagtapos after 1 year.
Sa kanyang show na “Cristy Ferminute” sy napag-usapan nila ang pagiging “unbothered” ni Andrea na naispatang nagsasaya sa nagdaang concert ni Bruno Mars at tila hindi galing sa break up.
Pinuri naman nila ang dalaga na tahimik na nagmo-move on at walang idinedetalye sa publiko ukol sa nagdaang relasyon at pinuna ang basketbolista na tila hindi na pinag-isipan ang mga ibinahagi sa nagdaang interview.
“Maaaring andun yung pagtatakip sa kanyang emosyon, ang maganda lang, mahusay magdala si Blythe diba? Mahusay siyang magdala ng problema,” saad ni Cristy.
Dagdag pa niya, “Bakit mo nga naman masyadong iiyakan? Ba’t nga naman patatapos mo ang mundo mo dahil lang sa isang lalaki na nanakit sayo?”
Baka Bet Mo: Cristy Fermin naimbyerna sa ‘pakulo’ nina Moira at Jason: Ginagawa ninyong mga tanga ang sarili ninyo
Dito ay nabanggit ng kolumnista ang pagkukuwento ni Ricci ng paminsan-minsang pagsasama nila sa pagtulog ni Andrea habang mag-dyowa pa sila.”
“Tama ba naman na pati yung pagtulog nila sa bahay ng isa’t-isa, ikuwento pa ng kalalaking tao, diba ang daldal? Napakadaldal,” lahad pa ni Cristy.
Pagpapatuloy pa niya, “Si Andrea nga walang sinasabi diba? Kababaeng tao pa tas yun lalaki eh kuda nang kuda.”
Pinayuhan pa nga ni Cristy ang binata na dapat ay piliin nito kung ano lamang ang ibabahagi sa publiko bilang respeto na rin sa dating nakarelasyon.
“Dapat may garter ang dila, alam kung ano ang nararapat sabihin sa publiko at alam kung ano ang kailangang sa kanila na lang.
“Hindi yung diretso na magsalita eh truthful na, hindi totoo yun. Meron ngang iba diyan, kung magsalita kala mo totoong totoo, pag nasukol naman eh magde-deny,” sey ni Cristy.
Related Chika:
Hirit ni Cristy Fermin: ‘Matalas na rin ang dila ni Ion Perez, parang sumasabay na kay Vice Ganda’