Resbak ng fans ni REGINE sa mga popsters ni SARAH: Ang babaduy, ang babastos n’yo!

MARAMING kumampi kay Regine Velasquez sa ginawa nitong pagresbak sa ilang fans ni Sarah Geronimo na nagsabing laos na siya. In fairness, talagang nagalit ang mga fans ng Asia’s Songbird sa panlalait na ginawa ng mga Popsters sa misis ni Ogie Alcasid.

Hindi naman daw kasi tama na sabihan ng masasakit at maaanghang na salita ang Songbird, at idamay pa ang kanyang nananahimik na pamilya. Kaya nga hindi na rin siguro nakapagpigil si Regine at nasagot niya ang mga fans ni Sarah G.

Pero, in fairness uli ha, never inaway ni Regine si Sarah, hindi niya ito idinamay sa paglalabas niya ng kanyang emosyon dahil alam niyang mabait at marespetong bata ang Pop Princess, talaga lang may mga fans ito na hindi marunong rumespeto sa kapwa at ipinanganak talagang mga bastos.

Tweet ng super fan ni Regine, “Well, not surprising. Ang babaduy talaga at ang babastos ng mga jeje fans ni Sarah. Parang mga walang pinagaralan.”

Sabi naman ng isa, “Grabe naman pati papa ni regine dinamay? napaka wlang urbanidad naman non. eh sa show ni regine nadiscover si sarah, kung walang regine walang sara, nganga.. mabait lang si regine, it shows. while others are plastikada, it shows din.”

“As if naman kayang hi-gitan ni Sarah ang galing at achievements ni Songbird noh. Di nga marunong bumirit iyang si sarah. Mas maganda pa boses nung gumawa ng video gamit lang ang suklay,” reaksiyon naman ng isang nagtanggol sa Songbird.

Pero may umapela namang Popster na nagtanggol kay Sarah G, anito, “Huwag kayo’ng mag-generalize. Not all Popsters are jeje. And a lot of them are fans of the Songbird din, and that includes me.

I’m not denying that I’m jeje, but what does jeje even mean? Please enlighten me.” Anyway, para patunayang hindi pa laos ang Songbird, patuloy pa ring umaarangkada ang kanyang cooking show with a twist sa GMA every Saturday, matagal-tagal na rin ito sa ere at hanggang ngayon ay hataw pa rin ito sa ratings game.

At ngayong umaga nga sa Sarap Diva, makikigulo sa kusina ng Songbird ang comedy icons na sina Mitch Valdes and Nanette Inventor. Kilalanin ang sikat at kontrobersyal na si Nanette Nafoolish ang pinakabagong character ni Nanette.

Magpapasiklab naman sa isang makaubos-hiningang comedy sketch si Tita Mitch!  Hindi naman palalampasin ni Regine na matikman ang Kapampangan cooking expertise ni Nanette, kaya  naghanda ang komedyante ng isang diabetic-friendly Pares.

Makakakuha kayo ng tips sa paggawa ng dish para sa mga diabetics, tulad ni Nanette. Samahan si Regine sa isang umagang walang humpay na hagalpakan, kuwentuhan at bukingan kasama ang mga institusyon ng komedya sa Sarap Diva, 9:45 a.m. sa GMA.

( Photo credit to Google )