‘Suzume’ kabilang sa ‘All-Time Biggest Film’ ng Japan ngayong taon
PHOTO: Courtesy Warner Bros. Pictures
PARA sa mga anime lover diyan!
Gumawa ng kasaysayan sa Japan ang fantasy adventure anime film na pinamagatang “Suzume.”
Pang-15 na kasi ito sa listahan ng “All-Time Biggest Film” ng nasabing bansa matapos tumabo sa takilya at kumita ng mahigit 14 billion yen o halos P6 billion, as of March 5.
Ang nabanggit na anime film ay mula sa direksyon ng award-winning Japanese director na si Makoto Shinkai.
Para sa kaalaman ng marami, siya rin ang direktor ng ilan pa sa mga tinaguriang “highest-grossing film” gaya ng romantic fantasy anime films na “Your Name” at “Weathering With You.”
Ang istorya ng “Suzume” ay iikot sa magiging adventure ng isang 17-year-old protagonist.
Mapapanood sa official trailer na mapupunta sa iba’t-ibang lugar ng Japan ang bida sa pamamagitan ng isang mysterious door, ngunit parating may nag-aantay na iba’t-ibang sakuna sa likod ng mga pintuan.
Ang “Suzume” ay kasalukuyang palabas na rin sa mga sinehan ng Pilipinas.
Related Chika:
Jenna Ortega naging ‘iyakin’ sa bagong horror film na ‘Scream VI’
Michael B. Jordan ‘kinarir’ ang pagiging direktor sa ‘Creed III’, bumida rin sa ginawang boxing film
Hollywood actor Russell Crowe bibida sa horror movie, based sa true story ng isang paring exorcist
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.