Paghahanap kay ‘Cinderalla’ na nakaiwan ng sandals sa Baguio patok sa netizens: ‘You may bring your Prince Charming’
Ang kapares ng sandals na naiwan ni ‘Cinderella’ sa Baguio City
VIRAL na ngayon ang nakakalokang paandar ng Public Order & Safety Division (POSD) – City of Baguio hinggil sa nawawalang isang piraso ng sandal sa kanilang lugar.
Bentang-benta sa mga netizens ang naisip na paraan ng mga opisyal at staff ng POSD sa Baguio City upang matunton ang may-ari ng natagpuan nilang slipper.
Sa Facebook account ng POSD makikita ang litrato ng kaliwang pares ng sandals kung saan nanawagan nga ang nasabing ahensiya ng gobyerno sa may-ari nito. Inihalintulad pa nila ito sa kuwento ni Cinderella.
“A CINDERELLA STORY – We’re looking for the owner of this brand new pairless wedge sandal (left pair) that may have fallen off someone’s bag at the Treasury Market Division office last Monday, 23 January, sometime after the clock struck 12,” ang nakasaad sa naturang post.
Sabi pa sa FB post, ang shoe brand daw ng nasabing sandals ay M Style size 38.
“To claim, please proceed to our office located at the Ground Floor of Block 4 along Hilltop Rd. here at the Public Market and simply present the other pair.
“You may bring your Prince Charming who could put the sandal on you… if it fits!” ang panawagan pa ng POSD.
Bumaha naman ng mga nakakatuwa at nakakaaliw na comments mula sa mga netizens.
“Please bring the right pair when claiming. Don’t expect it to ‘magically’ appear when you put it on.”
“Wait nyo lang po baka nagpapa pedicure pa po. baka iphotoshoot din daw yung paa eh.”
“I like the humor po. The caption was absolutely genius and funny. Face reveal ni Prince Charming siguro ang hinihintay ni Cinderella. Lucky shoe owner trending na sya. Abangan ang susunod na kabanata.”
“Real Cinderella story happening. I hope a fairy godmother would help her.”
“So ipi-prepare na ba ang kalabasa coach?”
“Ako na lang ‘yung kontrabidang stepsister, 38 po ang paa ko, kasyang kasya po ‘yan.”
“Ako na lang ‘yung kontrabidang stepsister, 38 po ang paa ko, kasyang kasya po ‘yan.”
“Thank you po, papunta na po….ay charooot lang pala, 37 size ng paa ko.”
Tsinelas, sandals, tattoo nina Paolo at Yen ebidensya nga ba sa viral video na nakunan sa Baguio?
Sanggol na ibinenta ng inang nabaon sa utang, nasagip ng NBI
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.