Song cover nina Lea Salonga, Pentatonix ng ‘Christmas In Our Hearts’ trending pa rin sa YouTube
Courtesy Sony Music Entertainment
PATULOY pa ring nagte-trending ang collaboration song ng music icon na si Lea Salonga kasama ang American acapella group na “Pentatonix.”
Kung matatandaan ay ginawan nila ng song cover ang holiday hit song ni Jose Mari Chan na “Christmas In Our Hearts.”
Noong December 16 ay ibinandera ng acapella group ang music video ng nasabing kanta.
At as of this writing ay umaani na ito ng mahigit 1.6 million views at nasa number 13 na sa trending music ng YouTube!
Ang collaboration ng dalawang sikat na artists ay bilang parte ng bagong album ng Pentatonix na pinamagatang “Holidays Around the World” na ni-release noong October 28.
Bago ang release, proud na itong inanunsyo ni Lea sa kanyang social media at ibinahagi pa ang nilalaman ng Christmas album ng acapella group.
Yes, folks! This is happening! And to our friends in the Philippines, it’s the Christmas In Our Hearts you think it is! https://t.co/WgunElIel0
— Lea Salonga (@MsLeaSalonga) October 27, 2022
Nauna na ring sinabi ng Pentatonix na kakaiba ang kanilang holiday album ngayong taon.
Dahil bukod pa kay Lea, tampok din sa bagong album ang ilang international artists, kabilang na ang pop star na si Meghan Trainor, Chinese pianist na si Lang Lang, Congolese singer na si Grace Lokwa, at Lebanese singer na si Hiba Tawaji.
Sa isang panayam sa American weekly magazine na People Magazine ay sinabi ng Pentatonix na bukod sa paggawa ng mga musika, goal din nilang maranasang makatrabaho ang ibang artists mula sa iba’t-ibang bansa.
Lahad sa press release ng Sony Music Entertainment, “Just recently, Pentatonix talked to People Magazine about breaking boundaries in terms of making music.
“According to the five-piece group, they want to experience the ‘cultural differences in music’ and explore working with artists outside their comfort country.”
Related chika:
Xian Lim certified ice skater na: I thought it was impossible for me to learn a new skill this late
Lea Salonga, Pentatonix napakanta ng ‘Christmas in Our Hearts’ ni Jose Mari Chan
Lea Salonga nagbigay pugay kay Cherie Gil: You were one of a kind
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.